Կապել է 63–ամյա կնոջը, բռնություն կիրառել ու հափշտակել ոսկի և գումար. Երևանում ավազակային հարձակում է տեղի ունեցել

ԵՐԵՎԱՆ, 4 ապրիլի./Նովոստի–Արմենիա/. Երեկ՝ ապրիլի 3-ին, դիմակավորված ավազակային հարձակում է տեղի ունեցել Երևանում։


Shamshyan.com–ի հաղորդմամբ, ժամը 222։00-ի սահմաններում անհայտ անձը դիմակավորված մուտք է գործել Բրյուսովի փողոցի սեփակա տներից մեկը և դանակի սպառնալիքով կապել տանտիրուհուն՝ 63-ամյա Մ.-ին, բռնություն կիրառել նրա նկատմամբ, ապա հափշտակել ոսկյա զարդեր, բջջային հեռախոսներ, գումար և դիմել փախուստի։

Փաստի առթիվ հարուցվել է քրեական գործ։ Ոստիկանությունը ձեռնարկում է անհրաժեշտ օպերատիվ-հետախուզական և քննչական համատեղ գործողություններ՝ հանցագործությունը բացահայտելու, ստահակին և գողոնը հայտնաբերելու ուղղությամբ։ –0–