Հայտնի են դարձել նոր մանրամասներ Երևանում 28 տարեկան աղջկա դաժան սպանության գործով (ՎԻԴԵՈ)
16:43
03 Սեպտեմբերի 2019
ԵՐԵՎԱՆ, 3 սեպտեմբերի./Նովոստի–Արմենիա/. Սեպտեմբերի 2-ին ոստիկանությունում տեղեկություն ստացվեց, որ Երևանի Բրյուսովի փողոցի 23-րդ շենքի բնակարաններից մեկում կնոջ դի կա՝ բռնության հետքերով ու վնասվածքներով։
Ինչպես հաղորդում է ՀՀ ոստիկանության մամուլի ծառայությունը, դեպքի վայր մեկնեցին ոստիկանության մի շարք ստորաբաժանումների, ինչպես և իրավապահ այլ մարմինների ծառայողներ։
Դիակի զննությամբ պարանոցին ու մարմնի տարբեր մասերին բռնության հետքեր հայտնաբերվեցին։ Պարզվեց, որ սպանվածը 28 տարեկան էր և այդ բնակարանում վարձով էր ապրում։
Загружается новость ... "Лево"
Դեպքի առթիվ քրեական գործ հարուցվեց, նշանակվեցին փորձաքննություններ։
Ոստիկանության և Ազգային անվտանգության ծառայության աշխատակիցների օպերատիվ-հետախուզական համատեղ միջոցառումների արդյունքում կարճ ժամանակում պարզվեցին կատարվածի մի շարք հանգամանքներ, այդ թվում՝ առանձնապես ծանր հանցագործությունը կատարելու մեջ կասկածվողի ինքնությունը։
«Սեպտեմբերի լույս 3-ի գիշերը՝ ժամը 2-ն անց 50-ի սահմաններում, վանաձորի հյուրանոցներից մեկում 35-ամյա տղամարդը հայտնաբերվեց ու կասկածանքով բերման ենթարկվեց ոստիկանության Կենտրոնական բաժին։ Նա ներկայացվեց դեպքի նախաքննությունը վարող մարմնին ու տվեց խոստովանական ցուցմունք։ Տղամարդը ձերբակալվել է։ Օպերատիվ-հետախուզական միջոցառումններն ու քննչական գործողությունները շարունակվում են», – նշվում է գերատեսչության հաղորդագրության մեջ։–0–
