ԵՐԵՎԱՆ, 3 օգոստոսի./Նովոստի–Արմենիա/. Երևանում սեփական քրոջը գլխատած 58–ամյա տղամարդը ձերբակալվել է։
Այս մասին հայտնում է ՀՀ ոստիկանության մամուլի ծառայությունը
Օգոստոսի 1-ին, ժամը 18.00-ի սահմաններում, ոստիկանության Էրեբունու բաժնի համայնքային ոստիկանները Խորենացու փողոցում ծառայություն կատարելիս նկատել են կասկածելի վարքագծով տղամարդու՝ ձեռքին պոլիէթիլենային տոպրակ: Մոտեցել են քաղաքացուն և պարզել, որ տոպրակում գլխատված կնոջ գլուխ է:
Загружается новость ... "Лево"
«Ոստիկանները տղամարդուն բերման են ենթարկել ոստիկանության Էրեբունու բաժին և ճշտել ինքնությունը։ Պարզվել է, որ 58-ամյա տղամարդը Նոր Արեշի 11-րդ փողոցի տներից մեկում գլխատել է 68-ամյա քրոջը», – նշվում է հաղորդագրության մեջ։
Դեպքի վայր մեկնած ոստիկաններն ու քննիչները առանձնատան ննջասենյակում հայտնաբերել են գլխատված կնոջ դիակը:
Փաստի առթիվ հարուցվել է քրեական գործ։ Հանցագործության գործիք դանակը հայտնաբերվել է:
Նշանակվել է դատաբժշկական փորձաքննություն: 58-ամյա տղամարդը ձերբակալվել է: Կատարվում է նախաքննություն:–0–