Աբովյանում սարսափելի ավտովթարի հետևանքով տուժած 15–ամյա աղջիկը ծանր վնասվածքներ է ստացել, անգիտակից վիճակում է.ԲԿ
21.02.2022,
14:33
Աբովյանում սարսափելի ավտովթարի հետևանքով տուժած 15–ամյա աղջիկն անգիտակից վիճակում է, միացված է արհեստական շնչառության սարքին
ԵՐԵՎԱՆ, 21 փետրվարի./Նովոստի–Արմենիա/. Աբովյանում տեղի ունեցած ողբերգական վթարից հետո գանգուղեղային ծանր վնասվածքներով «Սուրբ Աստվածամայր» ԲԿ է տեղափոխվել 15-ամյա աղջիկ երեխա, հայտնում է «Սուրբ Աստվածամայր» ԲԿ–ի մամուլի քարտուղար Գևորգ Դերձյանը:
Загружается новость ... "Лево"
«Երեխան ունի գլխուղեղի և թոքերի սարջարդ, ազդրոսկրերի կոտրվածքներ: Գտնվում է վերակենդանացման բաժանմունքում: Անգիտակից է, միացված է արհեստական շնչառության սարք: Բժիշկները պայքարում են նրա կյանքի համար», – նշել է նա:
Ինչպես հաղորդել էինք ավելի վաղ, նախօրեին՝ փետրվարի 20-ին, խոշոր ու ողբերգական ավտովթար է տեղի ունեցել Կոտայքի մարզում:
Ժամը 20:00-ի սահմաններում, Արզնու խճուղում՝ Աբովյան քաղաքի սկզբնամասում, բախվել են BMW X5, Opel և ՎԱԶ-2106 մակնիշի ավտոմեքենաները:
Վթարի հետևանքով 5 մարդ տեղում մահացել է: Նրանք ընտանիքի անդամներ են։ 15–ամյա աղջկա վիճակը ծայրահեղ ծանր է։–0–
Պատճենել հղումը
