ԵՐԵՎԱՆ, 2 փետրվարի./Նովոստի–Արմենիա/. Սիրիայի հարցով ազգային երկխոսության կոնգրեսի պատվիրակներին տեղափոխող ինքնաթիռը հրթիռակոծվել է Դամասկոսում։
Ինչպես հաղորդում է Հալեպի
«Գանձասար» հայկական պարբերականը, առավոտյան Դամասկոսի օդանավակայանում վայրէջք է կատարել Սոչիից ժամանած օդանավը, ով տեղափոխում էր Սիրիական հարցի պատվիրակների առաջին խմբին։ Անմիջապես վայրէջքի ժամանակ օդանավը հրթիռակոծվել է զինված ահաբեկչական խմբավորման կողմից։
Պատվիրակության կազմում է եղել նաև Սիրիայի խորհրդարանի հայազգի պատգամավոր Ժիրայր Ռեիսյանը։
«Առաջին հրթիռն ընկավ օդանավից մի քանի մետր հեռավորության վրա հենց վայրէջքի պահին, ինչից հետո ինքնաթիռի ուղղությամբ արձակվեց ևս մի քանի հրթիռ։ Բարեբախտաբար, ոչ ոք չի վիրավորվել, ինքնաթիռը ևս չի վնասվել։ Անվտանգության ծառայություններն անմիջապես միջոցներ ձեռնարկեցին, և պատվիրակության անդամներն օդանավից տեղափոխվեցին անվտանգ տարածք», – պատմել է Ռեիսյանը «Գանձասարին»։–0–