Դովիլը, Պորտո Վեկիոն և Կաննը 2011 թ.-ի ամռան ֆրանսիական ամենաթանկ հանգստավայրերն են

Դովիլը, Պորտո Վեկիոն (Կորսիկա կղզի) և Կաննը դարձել են 2011 թ.-ի ամռան սեզոնի Ֆրանսիայի ամենաթանկարժեք ծովային հանգստվայրերը այն բանից հետո, երբ տեղի հյուրանոցների գները, 2010 թ.-ի համեմատ, ավելացան 20 տոկոսով, երեքշաբթի հաղորդել է Quotidien du tourisme.com ֆրանսիական պորտալը:

Երկրի ծովային հանգստավայրերում 2011 թ.-ի հուլիսին հյուրանոցային համարների գներն ավելացել են 18-33 տոկոսով: Այսպես, Ատլանտյան ծովափին՝ Դովիլում, հյուրանոցների ստանդարտ երկտեղանոց համարների միջին գինն օրական 227 եվրո է: Գներն ամենաշատը բարձրացել են Լա Բոլեում՝ 33 տոկոսով, որը գտնվում է Բիսկայան ծոցում, որտեղ հյուրանոցների միջին արժեքը կազմում է 179 եվրո: 18 տոկոսով գներն աճել են Սան Ռաֆայելում՝ կազմելով ստանդարտ համարի համար օրական 154 եվրո:

Միաժամանակ, Կիբերոնում և Անտիբում գները նվազել են 25 և 14 տոկոսով՝ միջինը կազմելով 99 եվրո և 140 եվրո: Ֆրանսիայում ծովափին հանգստանալու ամենաէժան առաջարկները կարելի է գտնել Բրետանում՝ Ատլանտյան ծովափ, որտեղ, օրինակ, Վանն հանգստավայրում երկտեղանոց համարն առաջարկվում է միջինը 87 եվրոյով:-0-