ԵՐԵՎԱՆ, 14 նոյեմբերի. /Նովոստի–Արմենիա/. Facebook սոցցանցը գործարկել է «Safe check» հատուկ ֆունկցիան («Անվտանգության ստուգում») Փարիզում գրանցված մի շարք ահաբեկչությունների կապակցությամբ։
Այս ֆունկցիայի շնորհիվ սոցցանցի օգտատերերը կարող են տեղեկացնել, որ չեն տուժել Փարիզի ահաբեկչություններից
«Մտքերս այսօր երեկոյան Փարիզի հետ է։ Նման բռնությունը տեղ չունի աշխարհի ցանկացած քաղաքում կամ երկրում։ Մենք գործարկել ենք «Safe check» ֆունկցիան։ Եվ եթե դուք Փարիզում եք, ապա կարող եք նշել, որ անվտանգության մեջ եք կամ ստուգել ընկերների և ընտանիքի անդամների վիճակը», – սոցցանցի իր էջում գրել է Facebook–ի հիմնադիր Մարկ Ցուկերբերգը։
Նախօրեին ուշ երեկոյան Փարիզում մի շարք ահաբեկչական գրոհներ են գրանցվել։ Նախնական տվյալներով` զոհերի թիվը հասել է 153–ի, ավելի քան 200 մարդ վիրավոր է։–0–
Ծանոթացեք լուրերին առաջինն ու քննարկեք դրանք մեր Telegram-յան ալիքում