ANCA. Greenberg Traurig ամերիկյան խոշոր իրավաբանական ընկերությունը խզել է Թուրքիայի հետ պայմանագիրը

ԵՐԵՎԱՆ, 7 նոյեմբերի./Նովոստի-Արմենիա/. Ազդեցիկ միջազգային իրավաբանական և լոբբիստական Greenberg Traurig ընկերությունը կապերը խզել է Թուրքական կառավարության հետ հայազգի ամերիկաբնակ ակտվիստների ճնշման ներքոլ հաղորդում է Ամերիկային Հայ ազգային կոմիտեն (ANCA)` հղում անելով ընկերությունում սեփական աղբյուրներին:

Նշվում է, որ ԱՄՆ քաղաքացիները վրդովված են Թուրքիայի աջակցությամբ Ադրբեջանին, որը սաձազերծել է Հայաստանի (և Արցախի) դեմ ռազմական գործողություններ և իրենց դիրքորոշումը հասցրել են Greenberg Traurig ընկերության ղեկավարությանը:

ANCA-ի տեղեկություններով, այս շաբաթ ընկերությունը ներքին ալքների էլեկտրոնային նամակ է ուղարկել, որում հայտարարում էր հոկտեմբերի 29-ից Թուրքիայի հետ հարաբերությունները դադարեցնելու համար: Ընկերությունը հրաժարվել է պաշտոնական մեկնաբանություններ տալ:

Greenberg Traurig-ը միջազգային խոշոր իրավաբանական ընկերություն է, որը հիմնադրվել է Մայամիում (ԱՄՆ) 1967 թվականին: Վերջին երեք տարիների ընթացքում այն ​​եկամուտների տեսանկյունից զբաղեցնում էր 14-րդ տեղը 100 լավագույն իրավաբանական ընկերությունների ցանկում: Ունի ավելի քան 40 գրասենյակներ ԱՄՆ-ում, Լատինական Ամերիկայում, Եվրոպայում, Մերձավոր Արևելքում և Ասիայում:-0-