Երկիր մոլորակին խոշոր աստերոիդ է մոտենում

ԵՐԵՎԱՆ, 20 հոկտեմբերի./Նովոստի–Արմենիա/. NASA-ն տեղեկացրել է, որ Երկիր մոլորակին մոտենում է 440–990 մետր տրամագծով աստերոիդ, հաղորդում է ՏԱՍՍ–ը։ 

Ինչպես նշվում է NASA–ի կայքում, հոկտեմբերի 25–ը 162082 (1998 HL1) անվանումը ստացած երկնային մարմինը կանցնի Երկիր մոլորակի կողքով մոտավորապես 6,2 մլն կիլոմետր հեռավորության վրա` 11,2կմ/վ արագությամբ։ 

Ինչպես նշում են NASA–ից, 162082 (1998 HL1) աստերոիդը հայտնաբերվել է 1998թ.–ի ապրիլին։ Աստագետները դասում են դրանց Ապոլոնների շարքին, որոնք աստերոիդներ են, որոնց ուղեծիրները հատում են Երկիր մոլորակի ուղեծրին։

   Այս պահին NASA–ն կարողացել է հայտնաբերել խոշոր աստերոիդների 93%–ը, որոնք պոտենցիալ սպառնալիք են ներկայացնում մեր մոլորակի համար։ Մոտավորապես 1000 նման օբյեկտներ պտտվում են Արեգակից 195 մլն կիլոմետրի սահմաններում։–0–