ԵՐԵՎԱՆ, 13 հուլիսի. /Նովոստի–Արմենիա/. 2017 թվականի հուլիսից մեկնարկել է Ռուսաստանում «ArCa» հայկական քարտերի և Հայաստանում «МИР» ռուսաստանյան քարտերի սպասարկումը։
Այդ մասին հայտարարվել է Սանկտ Պետերբուրգում կայացած «Ֆինանսները հանուն զարգացման» միջազգային 26–րդ բանկային կոնգրեսի ընթացքում, որին ներկա է եղել Հայաստանի ԿԲ նախագահ Արթուր Ջավադյանը։
Ռուսաստանի Կենտրոնական բանկի նախագահ Էլվիրա Նաբիուլինան շնորհակալություն է հայտնել Հայաստանի կարգավորչին և «ArCa» համակարգին արդունավետ գործակցության և գործընկերային հարաբերությունների, ինչպես նաև քարտերի փոխսպասարկման ծրագրի օպերատիվ իրագործման և ընթացքի համար։
Հայաստանի Կենտրոնական բանկը հուլիսի 7–ին ընդգրկել է «МИР» վճարային քարտերի ռուսաստանյան ազգային համակարգը գործող վճարահաշվարկային համակարգերի ռեեստրում։ Նմանատիպ որոշում էլ կայացրել է Ռուսաստանի ԿԲ–ն։
Երևանում 2016 թվականի նոյեմբերի 7–8–ն անցկացվել է ԱՊՀ երկրների ազգային բանկերի և վճարային համակարգերի ղեկավարների և ներկայացուցիչների` «Վճարային տարածքի հնարավոր ինտեգրման հեռանկարներ» թեմայով աշխատանքային հանդիպումը։
Загружается новость ...
"Право"
Աշխատանքային հանդիպման ընթացքում ստորագրվել է –անապարհային քարտեզ, որի համաձայն, մինչև 2017 թվականի կեսը կավարտվի «Мир» և «ArCa» վճարային համակարգերի քարտերի տեխնիկական համապատասխանեցումը և կապահովվի փոխադարձ ընդունումը։
ԿԲ–ում հայտնում են, որ տարեկան կտրվածքով Հայաստան է այցելում 273 հազար զբոսաշրջիկ, որոնցից 22 տոկոսը` այլ երկրներից։
«Եթե նախկինում հաշիվը կանխիկացնելու կամ ծառայությունների և ապրանքների վճարման համար զբոսաշրջիկն իր մոտ պետք է ունենար միջազգային վճարային համակարգերի քարտեր, ապա այժմ բավարար է ունենալ միայն МИР և ArCa ազգային վճարային համակարգերի քարտեր»,– ասվում է հաղորդման մեջ։
Կարգավորիչը նշում է, որ գործարքի բոլոր մասնակիցներին նախապես հայտնի կլինի արտարժույթի փոխանակման փոխարժեքը քարտով գործարք կատարելու դեպքում։ Բացի այդ, նախատեսվում է, որ կիրառվող փոխարժեքն ամենահարմարը կլինի միջազգային վճարային համակարգերի փոխարժեքների համեմատ։
Այդ նախագիծն ըստ էության առաջինն է ԵՏՄ–ում, ինչը վկահում է Հայաստանի և Ռուսաստանի գործակցության բարձր մակարդակի մասին։ -0-
