ԵՐԵՎԱՆ, 17 հունիսի․ /Նովոստի-Արմենիա/․ ՎՏԲ-Հայաստան Բանկն առաջարկում է բրոքերային գործարքներ կատարելու նոր ծառայություն` Ռուսաստանի և արտերկրի արժեթղթերի շուկաներին էլեկտրոնային հասանելիություն Quik առցանց առևտրային համակարգի և «ВТБ Мои Инвестиции» բջջային հավելվածի միջոցով, որոնք հասանելի են հետևյալ հարթակներում՝
iOS,
Android:
Quik առևտրային հարթակին հեռահար հասանելիությունը հաճախորդին ընձեռում է բորսայական սակարկություններին անմիջական մասնակցության հնարավորություն: Բջջային հավելվածի միջոցով հաճախորդը կարող է առցանց եղանակով ներդրումներ կատարել արժեթղթերում աշխարհի ցանկացած կետից:
Ծառայությունից կարող են օգտվել 18 տարին լրացած բոլոր ֆիզիկական անձինք:
Quik համակարգը և բջջային հավելվածը հաճախորդին հնարավորություն են տալիս ինքնուրույն.
- Ուսումնասիրել Ռուսաստանի և արտերկրի արժեթղթերի շուկաների ֆինանսական գործիքները,
- Կնքել գործարքներ,
- Հետևել յուրաքանչյուր գործարքի ֆինանսական արդյունքներին և ամբողջ պորտֆելին:
Մինչև 15.08.2020թ.ՎՏԲ-Հայաստան Բանկում գործում է ակցիա,որի շրջանակներում ավանդի նվազագույն գումարը կազմում է 100 ԱՄՆ դոլար կամ համարժեք արտարժույթ (ՀՀ դրամ, ՌԴ ռուբլի, Եվրո):
Բրոքերային հաշիվ բացելու համար հաճախորդը պետք է ներկայացնի.
- Անձնագիր,
- Սոցիալական քարտ/ID քարտ
- Դրամական միջոցների ծագման աղբյուրի մասին տեղեկանք:
Загружается новость ... "Лево"
«Մեր կողմից առաջարկվող տեխնոլոգիական լուծումներն անձնական միջոցների ներդրման հարմարավետությունը տեղափոխում են նոր հարթություն: Ձեզ հնարավորություն է ընձեռվում աշխատելու ռուսաստանյան շուկայում և միջազգային առաջատար հարթակներում՝ MICEX, NASDAQ, NYSE, LSE և Deutsche Borse (XETRA) վաճառվող արժեթղթերի ամբողջ գործիքակազմի հետ: Իսկ «ВТБ Мои Инвестиции» հավելվածը, բացի հարմարավետ և պարզ ինտերֆեյսից, հնարավորություն է տալիս ինտելեկտուալ համակարգի օգտագործմամբ անհատականացնել ինտերֆեյսը՝ Ձեր հետաքրքրություններին, նախասիրություններին և պահանջներին համահունչ: Զգալի առավելություն է նաև Ռուսաստանի լավագույն վերլուծական թիմի՝«VTB Capital»-ի բացառիկ վերլուծությունների օգտագործման հնարավորությունը: Համոզված եմ, որ մեր կողմից առաջարկվող լուծումը ՀՀ շուկայում կլինի լիարժեք պահանջված՝ ապահովելով սեփական միջոցների արդյունավետ ներդրման համար բոլոր հնարավորությունները՝ ինչպես մեր գործող հաճախորդների, այնպես էլ ՀՀ բոլոր քաղաքացիների համար» - նշել է ՎՏԲ-Հայաստան Բանկի Ֆինանսական դեպարտամենտի տնօրեն՝ Դ. Լիսիչենկոն:
Մանրամասները կարելի է գտնել Բանկի պաշտոնական
կայքում, կամ զանգահարելով Բանկի Կոնտակտային կենտրոն` 87-87 հեռախոսահամարով:
Բանկը վերահսկվում է ՀՀ ԿԲ կողմից:
«ՎՏԲ-Հայաստան Բանկ» ՓԲԸ–ն ՎՏԲ միջազգային ֆինանսական խմբի մասնակից է դարձել 2004թ. ապրիլին: Այս պահին ՌԴ–ում մեծությամբ երկրորդ «ՎՏԲ Բանկ» ԲԲԸ–ն «ՎՏԲ-Հայաստան Բանկ» ՓԲԸ–ի 100% բաժնետոմսերի փաթեթի միանձնյա բաժնետերն է։ Բանկը հիմնական ցուցանիշների մի ամբողջ շարքով մշտապես ներառվում է ՀՀ բանկային համակարգի առաջատարների ցանկում:–0–