Փաշինյանը պաշտոնից ազատել է Զբոսաշրջության կոմիտեի նախագահին

ԵՐԵՎԱՆ, 4 փետրվարի./Նովոստի–Արմենիա/. ՀՀ վարչապետ Նիկոլ Փաշինյանը պաշտոնից ազատել է ՀՀ էկոնոմիկայի նախարարության Զբոսաշրջության կոմիտեի նախագահ Սուսաննա Սաֆարյանին։

Համապատասխան որոշումը հրապարակվել է կառավարության կայքում։ Ազատման պատճառները չեն նշվում։

Սաֆարյանը Զբոսաշրջության կոմիտեի նախագահ է նշանակվել 2019թ.–ի մարտի 22–ին։ Նա այդ պաշտոնում փոխարինել է Հռիփսիմե Գրիգորյանին, ով 2018թ.–ի դեկտեմբերին կազմակերպված արտահերթ խորհրդարանական ընտրությունների ժամանակ ընտրվել էր ԱԺ պատգամավոր։–0–