ԶԼՄ–ները նշում են Հայաստանի համար գազի նոր գինը

ԵՐԵՎԱՆ, 9 հուլիսի. /Նովոստի–Արմենիա/. Հայաստանի իշխանությունները թաքցնում են Ռուսաստանի հետ գազի գնի շուրջ բանակցությունների մանրամասները, քանի որ դրանք բավականին անբարենպաստ են հայկական կողմի համար, գրում է «Ժամանակ» թերթը։

Պարբերականի տվյալներով, 2020 թվականի հունվարի 1–ից ռուսական կողմը մտադիր է սահմանել հազար խմ գազի դիմաց 200 դոլար։

«Գազպրոմը» 2019 թվականի հունվարի 1–ից Հայաստանի համար գազի գինը սահմանում հազար խմ–ի դիմաց 150 դոլարից բարձրացրել է մինչև 165 դոլար։ Ինչպես ավելի վաղ հայտնել էր վարչապետ Նիկոլ Փաշինյանը, չնայած դրան, Հայաստանում ներքին սակագները կմնան անփոփոխ։ Թանկացումը «Գազպրոմ–Արմենիա» ընկերությունը պարտավորվել է փոխհատուցել ներքին օպտիմալացման հաշվին։

Ավելի վաղ Հանրային ծառայությունները կարգավորող հանձնաժողովի ղեկավար Գարեգին Բաղրամյանն ասել է, որ Հայաստանի համար ռուսական բնական գազի գնի շուրջ բանակցությունները շարունակվում են։ Նրա խոսքով, կողմերը քննարկում են սահմանում գազի գնագոյացման վերաբերյալ մոտեցումներն առաջիկա հինգ տարիներին։ -0-