Բադմինտոնի մասին հոդվածից հետո իջեցվել է ՌԴ ՊՆ-ի պաշտոնյաներից մեկի պաշտոնը. աղբյուր

ԵՐԵՎԱՆ, 16 դեկտեմբերի. /Նովոստի-Արմենիա/. ՌԴ ՊՆ ֆիզիկական պատրաստության վարչության պետ, գնդապետ Ալեքսանդր Շչեպելևի պաշտոնն իջեցվել է, այժմ նա զբաղեցնում է ԲԿՄԱ-ի պետի տեղակալի պաշտոնը, ուրբաթ ՌԻԱ Նովոստիին տեղեկացրել է ՌԴ ՊՆ-ի աղբյուրը:

«Միաժամանակ Շչեպելևը շարունակում է ծառայել ՊՆ-ում», - ասել է գործակալության զրուցակիցը:
ՌԴ ՊՆ կենտրոնական աշխատակազմի աշխատակիցներից մեկը ՌԻԱ Նովոստիին հայտնել է, որ Շչեպելևն ազատվել է պաշտոնից «Իզվեստիա» թերթում բանակում բադմինտոնի մասին պատմող հոդվածի հրապարակումից հետո: Նոյեմբերի 14-ի համարում լույս տեսած հոդվածում ներկայացվում էին ԶՈւ-ի համար տասը հազար ռակետ և տասնյակ հազարավոր փետրագնդակ գնելու ծրագրերը: Այս տեղեկատվությունը սկսեց ակտիվորեն քննարկվել համացանցում, սակայն ՊՆ-ում այն զարմանքի պատճառ դարձավ, քանի որ բադմինտոնը ԶՈւ-ում ռազմակիրառական մարզաձև չէ, և նրա զարգացումը ներառված չէ զինծառայողների ֆիզպատրաստության ծրագրերում, նշել են գերատեսչությունից:

Սակայն Շչեպելևի հրաժարականի մասին հաղորդող աղբյուրը հերքում է բադմինտոնի մասին հոդվածի և կադրային որոշման միջև կապի առկայությունը: «Կադրային որոշման պատճառը պլանային տեղափոխումն է: Սպան երեք տարուց ավելի չի կարող զբաղեցնել այդ պաշտանը, հարկավոր է տեղափոխություն կատարել: Այստեղ ամեն ինչ օրինական է, ամեն ինչ կատարվում է՝ ըստ պլանի: Այստեղ վրեժխնդրության մասին խոսք չի կարող լինել», - ասել է աղբյուրը:
Ֆիզպարտաստության վարչության պետի ժամանակավոր պաշտոնակատար է նշանակվել գնդապետ Օլեգ Բոցմանը, ով ավելի վաղ վարչությունում զբաղեցրել է պետի տեղակալի պաշտոնը:-0-