Ընդդիմությունն արգելափակել է Ուկրաինայի Գերագույն Ռադայի ամբիոնն ու նախագահությունը

ԵՐԵՎԱՆ, 4 նոյեմբերի. /Նովոստի-Արմենիա/. «ԲՅՈՒՏ Բատկիվշչինա» ուկրաինական ընդդիմադիր խմբակցությունն արգելափակել է Ուկրաինայի Գերագույն Ռադայի ամբիոնն ու նախագահությունը, հաղորդում է «ՌԻԱ Նովոստիի» թղթակիցը:

Ուրբաթ Ուկրաինայի խորհրդարանը նախատեսում էր երկրորդ ընթերցմամբ քննարկել մի շարք տնտեսական հանցագործությունների համար նախատեսված պատիժը մեղմացնող նախագահական օրինագիծը: Ընդդիմությունը պահաջում է քրեական օրենսգքրից հանել այդ հոդվածը, որի հատկանիշներով յոթ տարի ազատազրկման է ենթարկվել Ուկրաինայի նախկին վարչապետ Յուլիա Տիմոշենկոն:

Ընդդիմադիր պատգամավորներն աթոռներով փակել են խորհրդարանի նախագահության մուտքն ու այնտեղ պաստառ են փակցրել, որի վրա գրած է «Ազատություն Յուլիային»:

Կիևի Պեչորսկի դատարանը հոկտեմբերին Տիմոշենկոյին դատապարտել է յոթ տարի ազատազրկման 2009 թ.-ին «Ուկրաինայի Նավթագազի» և «Գազպրոմի» միջև գազային պայմանագիրը ստորագրելիս իրավասարությունների չարաշահման համար: Դատարանի վճիռն աշխարհում բացասական արձագանք է ստացել: ԵՄ-ում Տիմոշենկոյի վճիռը քաղաքականապես պատճառաբանված են որակել:

Դատավճիռը բողոքարկման է ներկայացվել: Տիմոշենկոն օգոստոսի սկզբից գտնվում է Կիևի կալանավայրում:-0-