Ուկրաինայի և Հայաստանի ներկայացուցիչները կիսել են հաղթանակը մանկական «Նոր ալիք» մրցույթում

Ուկաինուհի Վիկտորյա Պետրիկն ու «Ռազմիկը և ընկերները» հայկական խումբը կիրակի երեկոյան մանկական «Նոր ալիք» երիտասարդ կատարողների միջազգային մրցույթի ավագ խմբում (13-15 տարեկան) կիսել են առաջին տեղը, հաղորդում է ՌՒԱ Նովոստիի թղթակիցը:

Մրցույթի եզրափակչին մասնակցել է տասը երկիր ներկայացնող 15 կատարող:

Կրտսեր խմբում (8-12 տարեկան) հաղթել է Վիկտորյայի կրտսեր քույրը՝ Անաստասիա Պետրիկը:

Մրցույթը, որն անցկացվում էր օգոստոսի 20-ից նախկին ԽՍՀՄ տարածքում գտնվող խոշորագույն մանկական ճամբարում՝ «Արտեկ»-ում, և նվիրված էր ճամբարի 85-ամյակի տոնակատարությանը, հաջորդել է Մոսկվայում 2008 և 2009 թթ.-ին անցկացվող «Նոր Ալիք - Junior» մրցույթին: Մանկական «Նոր ալիք»-ի կազմկոմիտեն մասնակցության ավելի քան 5 հազար հայտ է ստացել:

«Բյուրեղապակյա ալիք» արձանիկից բացի հաղթողները ստացել են մինի-ստուդիաներ՝ վոկալով զբաղվելու համար և մեծահասակների համար նախատեսված «Նոր ալիք» մրցույթին մասնակցելու իրավունք:

«Մանկական «Նոր ալիք» մրցույթի ժյուրին գլխավորել է «Նոր ալիք» մրցույթի կազմակերպիչ, ռուս կոմպոզիտոր Իգոր Կրուտոյը: Նրա հետ միասին մրցույթի մասնակցողներին գնահատում էին ռուս և ուկրաինացի երգիչներ, մասնավորապես՝ Սերգեյ Լազարևը, Ալսուն, Տիմատին, Իրինա Դուբցովան, Անի Լորակը, Վերա Բրեժնևան, Դիմա Բիլանը:-0-