Բիշքեկի վրա օդից խաղաղության կոչով թռուցիկներ են բաց թողնվում
Ղրղսզտանի մայրաքաղաքի վրա հինգշաբթի ինքնաթիռից թռուցիկներ են բաց թողնվում հանրապետության ժամանակավոր կառավարության նախագահի տեղեկալ Օմուրբեկ Տեկեբաևի ուղերձով, հաղորդում է «ՌԻԱ Նովոստին»:
Թռուցկիներում ռուսերեն և ղրղզերեն լեզուներով Բիշքեկի բնակիչներին կոչ է արվում չենթարկվել սադրանքների: «Հնարավոր չէ լուծել սոցիալական խնդիրները հակամարտության միջոցով: Ցանկացած իրավիճակից ելք կա: Բայց միայն եթե չգնանք փոխադարձ բռնության ուղիով»,- ասվում է թռուցիկներում:
«Ժողովրդավարական բարեփոխումների ու քաղաքական նոր համակարգի թշնամիները սարսափում են մոտեցող հանրաքվեից, նրանք փորձում են ձախողել դրա անցկացումը: Նրանց հուսալքված դիմադրությունն ապացուցում է, որ նոր սահմանադրության ընդունումը հղի է հատուցմամբ գործած հանցագործությունների, կոռուպցիայի և սադրանքների համար: Չի կարելի թույլ տալ նրանց մեր ժողովուրդներին ներքաշել այդ հանցավոր քաղաքական խաղերի մեջ»,- ասվում է փաստաթղթում:
Բիշեկում այսօր ժամանակ առ ժամանակ անձրև է տեղում, այնպես որ թաց թռուցիկները վերցնել ցանկացողներն այդքան էլ շատ չեն: -0-
