Մոսկվայում բացվում է եվրոպական և ասիական լրատվամիջոցների ֆորումը

Չորեքշաբթի աշխատանքն է սկսում  «ՌԻԱ Նովոստիի» կազմակերպած եվրոպական և ասիական լրատվամիջոցների ֆորումը, այն կհավաքի ԱՊՀ և Բալթյան երկրների հայտնի ԶԼՄ-ների ղեկավարների, քաղաքական և հասարակական գործիչների: 

Սա հետխորհրդային երկրների ազգային ԶԼՄ-ների ներկայացուցիչների` թվով չորրորդ ամենամյա ֆորումն է:  

Նման հանդիպումների անցկացման նախաձեռնությամբ «ՌԻԱ Նովոստին» առաջին անգամ հանդես է եկել 2006 թ.-ին:

Ամենամյա ֆորումի նպատակը ժամանակակից աշխարհում ԶԼՄ-ների առջև ծագած  խնդիրների քննարկումն է: Մոսկվայի ներկայիս մեդիաֆորումը, որի աշխատանքը կընթանա դեկտեմբերի 9-10-ը, ամենամասշտաբայինն է: Դրան կմասնակցեն հետխորհդրային պետությունների առավել հեղինակավոր ու զանգվածային տպագիր ու էլեկտրոնային հրատարակությունների շուրջ 150 ղեկավարներ և գլխավոր մենեջերներ, ինչպես նաև ավելի քան 150 ռուսաստանցի հյուրեր ու մասնակիցներ:

Ֆորումի ծրագիրը նախատեսում է դրսից եկած լրագրողների լայն շփման հնարավորություն ռուս գործընկերների, ՌԴ պետական կառույցների ղեկավարների, հայտնի քաղաքական ու հասարակական գործիչների հետ:

Պանելային քննարկումների, կլոր սեղանների, ԶԼՄ-ների գործունեության առանձին ուղղություններով սեկցիոն աշխատանքների ընթացքում մասնակիցները կքննարկեն արդիական մասնագիտական հարցեր ու համատեղ մուլտիմեդիոն նախագծերի հնարավորություններ:  

Միջոցառման մասնակիցներին ուղղված ողջույնի խոսքով հանդես կգա ՌԴ նախագահ Դմիտրի Մեդվեդևը, ՌԴ ԱԳն ղեկավար Սերգեյ Լավրովը և կառավարության նախագահի մամուլի քարտուղար Դմիտրի Պեսկովը: Ֆորումը կբացի «ՌԻԱ Նովոստիի» գլխավոր խմբագիր Սվետլանա Միրոնյուկը: -0-