Միշել Լեգրանն ու Գեորգի Գարանյանը ելույթ կունենան Կրասնոդարում

ԵՐԵՎԱՆ, 31 օգոստոսի. /Նովոստի-Արմենիա/. Սեպտեմբերի վերջին իր նվագախմբի հետ Կրասնոդար կայցելի հայտնի ֆրանսիացի կոմպոզիտոր, դաշնակահար, գործիքավորող և հայազգի երգիչ Միշել Լեգրանը և նույն բեմի վրա ելույթ կունենա Կրասնոդարի բիգ-բենդի հետ՝ Գեորգի Գարանյանի գլխավորությամբ, հաղորդում է Analitika.at.ua կայքը:

Այս մասին լրագրողներին տեղեկացրել է «Պրեմիերա» ստեղծագործական միավորման գլխավոր տնօրեն և գեղարվեստական ղեկավար, Ռուսաստանի վաստակավոր արտիստ Տատյանա Գատովան:

Միշել Լեգրանը հայտնի ֆրանսիացի կոմպոզիտոր է, «Շերբուրյան հովանոցները», «Աղջիկները Ռոշֆորից» և այլ ֆիլմերի երաժշտության հեղինակն է: Միշել Լեգրանի մայրն ազգությամբ հայ է եղել:

Միշեր Լեգրանի մայրը՝ Հայկանուշ Տեր-Միքայելյանը դաշնակահարուհի էր: Նրա հայրը՝ Սարգիս Տեր-Միքայելյանը, փրկվել է Օսմանյան կայսրությունում իրականացված Հայոց ցեղասպանությունից և ապաստան գտել Ֆրանսիայում:-0-