Տիմոշենկոն խոստովանել է, որ Ուկրաինան ծանր ժամանակներ է ապրում
Ուկրաինան ֆինանսակիան ճգնաժամի և բազմաթիվ ներքին խնդիրները չլուծելու պատճառով ներկայումս դժվար ժամանակներ է ապրում, հինգշաբթի հայտարարել է վարչապետ Յուլիա Տիմոշենկոն, հաղորդում է «ՌԻԱ Նովոստին»։
«Երկիրն այժմ ամենալավ ժամանակները չի ապրում համաշխարհային գլոբալ ֆինանսական ճգնաժամի համատեքստում»,- ասել է նա՝ հանդես գալով Ուկրաինայի կառավարության ընդլայնված նիստում փոքր և միջին բիզնեսի ներկայացուցիչների մասնակցությամբ։
Ըստ նրա՝ երկրի զարգացմանը խանգարում են չլուծված ներքին, տնտեսական և քաղաքական խնդիրները։
«Մենք կարող ենք ընդունել, որ վերջին նախագահական ընտրություններից հետո անցած 4,5 տարիների ընթացքում փոքր և միջին բիզնեսի բարելավման համար, իմ կարծիքով, էականորեն ոչինչ չի արվել»,- նշել է վարչապետը։ «Բյուջեն այսօր այնքան դժվարութայմբ է կատարվում, որ ես նույնիսկ չեմ կամենում խլել ձեր ժամանակը և պարզաբանել դա»,- նշել է Տիմոշենկոն։ Ըստ նրա, ամեն բան ստիպված է անել «ձեռքով»։
Մնացած խնդիրներին ավելանում են քաղաքական ճգնաժամից ծնված խնդիրները, հավելել է վարչապետը։ -0-
