Սանտա Կլաուսի և նրա ընկերների միջազգային ձմեռային երկրորդ փառատոնն է հինգշաբթի բացվում Ղրղզստանում, «ՌԻԱ Նովոստիին» տեղեկացրել է Ղրղզստանի կառավարությանն առընթեր Զբոսաշրջության պետական գործակալության մամուլի ծառայության ներկայացուցիչ Էլվիրա Միրսաբեկովան։
Գործակալության զրուցակցի խոսքերով, այդ օրը Բիշքեկում կհավաքվեն 16 երկրներից ժամանած ամանորյա ձմեռային այնպիսի հերոսները, ինչպիսիք են Ձմեռ Պապը՝ Վելիկի Ուստյուգից (Ռուսաստան), Douglas Gowin-ը՝ ԱՄՆ-ից, Paradise Yamamoto-ն՝ Ճապոնիայից, ինչպես նաև տոների պապիները՝ Չինաստանից, Հնդկաստանից, Կորեայից, Թուրքիայից, Կանադայից, Դանիայից, Շվեդիայից, Նորվեգիայից, Ուզբեկստանից և այլ երկրներից։
«Ողջ աշխարհի Ձմեռ Պապիները հանդիսատեսին կներկայացնեն երկրագնդի տարբեր անկյուններում Ամանորի և Սուրբ Ծննդի տոնակատարությունների ողջ բազմազան մշակույթը», - նշել է նա։
Ընդունող կողմը՝ Այազ Աթան (ղրղզ Ձմեռ Հայր) փառատոնի շրջանակներում իր բարձրաստիճան հեքիաթային հյուրերի և նրանց ուղեկցող անձանց համար պատրաստել է զվարճալի ճանաչողական զբոսանքներ դեպի բարձր-լեռնային Տյան-Շանի գեղատեսիլ, բնական պարկերն ու Ղրղզստանի պատմամշակութային օբյեկտները։ Փառատոնի մասնակիցները կայցելեն լեռնադահուկային բազա, որը գտնվում է բարձր-լեռնային, չսառչող Իսիկ-Կուլ գետի ափին և կմասնակցեն «Մարզական Սանտա» բոուլինգի և բիլիարդի առաջին միջազգային մրցաշարին։
Ղրղզստանի կառավարությունը գունագեղ, տոնական շոուին հրավիրել է մասնակելու նաև 47 դպրոցականների Ղրղզստանի Նուրա գյուղից, որը անցյալ տարվա հոկտեմբերին հողին էր հավասարվել ութբալանոց երկրաշարժի հետևանքով։
Վարկածն այն մասին, որ միջինասիական, բարձր-լեռնային Ղրղզստանը Սանտա Կլաուսի երկիրն է, ապացուցվել է երկու տարի առաջ Sweco շվեդական ընկերության լոգիստիկայի փորձագետների կողմից։ Գիտնականների հաշվարկներով, Սանտա Կլաուսի՝ մշտապես Լապլանդիայում գտնվելու նախկին վարկածը քննադատությանը չի դիմանում, քանի որ այդ դեպքում ամանորյա գիշերվա ընթացքում Պապը ֆիզիկապես չի հասցնի ողջ երկրագնդի շուրջ պտույտ գործել և նվերներ հանձնել բոլոր երեխաներին։ Գիտնականները հաշվարկել են, որ նման խնդիրը լուծելու համար իսկական Սանտա Կլաուսը պետք է իր պտույտը սկսի Տյան-Շանի սառույցներից։-0-
