ՀԱՊԿ-ն կմասնակցի վրաց-հարավօսական համակամարտության գոտում ԵԱՀԿ մոնիտորինգին. Բորդյուժա

Հավաքական անվտանգության մասին պայմանագրի կազմակերպության (ՀԱՊԿ) ներկայացուցիչները կմասնակցեն վրաց-հարավօսական գոտում ԵԱՀԿ ռազմական դիտորդների առաքելությանը, հայտնեց ՀԱՊԿ գլխավոր քարտուղար Նիկոլայ Բորդյուժան։

«Առաքելությանը մասնակցելու շահագրգռվածության մասին արդեն հայտարարել են Հայաստանը, Բելառուսը, Ղազախստանը, Ռուսաստանը։ Հնարավոր է նաև Կազմակերպության մյուս անդամ-պետությունների մասնակցությունը»,- չորեքշաբթի «Նովոստի-Արմենիա» գործակալությանը Նիկոլայ Բորդյուժայի խոսքերը մեջբերեցին ՀԱՊԿ քարտուղարության մամուլի ծառայությունից։

Գլխավոր քարտուղարի խոսքերով, այժմ նշված պետություններում թեկնածուների մանրակրկիտ ընտրություն է կատարվում, ինչի վրա էական ազդեցություն կունենա ժամանակի գործոնը և ապագա ռազմական դիտորդներին ներկայացված մի շարք պահանջները։

«ՀԱՊԿ քարտուղարությունը շահագրգռված է ռազմական դիտորդների առաքելությունում կազմակերպության անդամ-երկրների ներկայացուցիչների մասնակցությամբ, քանի որ դա կբարձրացնի հակամարտության գոտում մոնիտորինգի օբյեկտիվությունը։ Նշված առաքելությունում մեր պետությունների ներկայացված լինելն անցնում է անվտանգության այլ կառույցների հետ ՀԱՊԿ փոխգործակցության ամրացման շրջանակներում»,- ընդգծել է Բորդյուժան։ --0--