Տիմոշենկոյին Ուկրաինայի վարչապետ նշանակելու համար պակասել է ընդամենը մեկ ձայն
11.12.2007,
17:25
Տիմոշենկոյին Ուկրաինայի վարչապետ նշանակելու համար պակասել է ընդամենը մեկ ձայն
ԵՐԵՎԱՆ, 11 դեկտեմբերի./Նովոստի-Արմենիա/. Ուկրաինայի Գերագույն Ռադային մեկ ձայն է պակասել, որպեսզի Յուլյա Տիմոշենկոյի բլոկի առաջնորդ Յուլյա Տիմոշենկոյի թեկնածությունը հաստատվի վարչապետի պաշտոնում։
Ինչպես հաղորդում է «ՌԻԱ Նովոստիի» թղթակիցը, պատգամավորները երկու անգամ են քվեարկել այս հարցի շուրջ։ Առաջին անգամ Տիմոշենկոյի թեկնածությանն աջակցել են 225 խորհրդարանականներ՝ անհրաժեշտ 226-ից։
Ռադայի խոսնակ Արսենի Յացենյուկը հարցը դրել է կրկնակի քվեարկության, քանի որ պատգամավորական քարտերից մեկը չի գործել տեխնիկական պատճառներով։
Կրկնակի քվեարկությունը նույնպես հաղթանակ չի բերել «նարնջագույններին», արդյունքը մնացել է նույնը՝ 225 «կողմ»։
Ներկայումս Ռադային նիստում հայտարարված է կեսժամյա ընդմիջում։ --0—
Պատճենել հղումը
