Քաշքշուկ ԱԺ–ում «օրենքով գողերի» քրեականացման հարցի քննարկման ժամանակ (ՎԻԴԵՈ)
12:39
21 Հունվարի 2020
ԵՐԵՎԱՆ, 21 հունվարի./Նովոստի–Արմենիա/. Այսօր ԱԺ նիստի ժամանակ քաշքշուկ է տեղի ունեցել «օրենքով գողերի» քրեականացման հարցի քննարկման ժամանակ։
Քաշքշուկի պատճառ էր դարձել Արման Բաբաջանյանի ելույթը, ով արձագանքել էր ԲՀԿ–ական պատգամավոր Գևորգ Պետրոսյանի ելույթին, ով իր հերթին խոսքն ուղղելով Արդարադատության նախարար Ռուստամ Բադասյանին ասել էր, որ քրեական հեղինակություններից բացի լավ կլինի պայքարել նաև այլ մարդկանց դեմ. «Երեք տառով բառ կա, նաև դրանց դեմ պետք է պայքարել»,- ասել էր Պետրոսյանը:
Արման Բաբաջանյանն իր ելույթի սկզբում նշել է, որ ԲՀԿ-ի անունից՝ ինչ-որ մեկն այդտեղ պետք է ներողություն խնդրի այդ «խայտառակ պահվածքի համար` նշելով. «ԱԺ նախագահին կոչ եմ անում, որպեսզի անպայման արձագանքի այս անթույլատրելի պահվածքին»:
Նրա խոսքի ժամանակ հնչեցին ծափահարություններ, իսկ տեղից ԲՀԿ-ական պատգամավորներից մեկն ինչ-որ բան է ասել, ինչին Բաբաջանյանն արձագանքել է. «Լռեք, երբ ես խոսում եմ»:
Ելույթի ավարտից հետո Արման Բաբաջանյանը զբաղեցրել է իր տեղը, ինչից հետո ԲՀԿ-ական պատգամավոր Արթուր Դալլաքյաննը գնացել է դեպի Արման Բաբաջանյանը, ով ոչ մի կերպ չի արձագանքել քաշքշուկին:
«Իմ քայլ»–ի պատգամավորներն ու ԲՀԿ-ականները Դալլաքյանին չեն թույլատրել մոտենալ Բաբաջանյանին:
Արձագանքելով միջադեպին՝ Արարատ Միրզոյանն ամբիոնից ասել է. «Պատգամավորները հերթագրվում ու ամբիոնից խոսում են և չեն կարող հետապնդվել իրենց ելույթների համար, ով չի գիտակցում այս նորմերը, թող հրաժարվի մանդատից և «հայաթի բիսեդկում լռվի»»։–0–