Օդերևութաբանները պատմել են Հայաստանում Մայիսի 9-ի եղանակի մասին

ԵՐԵՎԱՆ, 8 մայիսի. /Նովոստի-Արմենիա/. Հայհիդրոմետկենտրոնը ներկայացրել է հանրապետությունում մայիսի 9-ի և հետագա չորս օրերի եղանակի կանխատեսումը:

Այսպես, Մայիսի 9-ին Երևանում սպասվում է տաք եղանակ, երեկոյան ժամերին հնարավոր են կարճատև անձրևներ և ամպրոպներ:

Անձրևներ և ամպրոպներ են կանխատեսվում մայիսի 9-10-ին կեսօրից հետո և գիշերը հյուսիսային շրջաններում, իսկ մայիսի 11-12-ին՝ հանրապետության մարզերի մեծ մասում և մայրաքաղաքում, առանձին վայրերում հնարավոր է կարկուտ:

Առավելապես առանց տեղումների եղանակ է սպասվում մայիսի 13-ին:

Քամին կլինի հարավ-արևմտյան՝ 3-8 մետր վայրկյան արագությամբ, ամպրոպի ժամանակ հնարավոր է քամու ուժգնացում մինչև 15-20 մետր վայրկյան:

Օդի ջերմաստիճանը մայիսի 9-10-ին աստիճանաբար կբարձրանա 2-3 աստիճանով, իսկ մայիսի 12-ին կնվազի 3-4 աստիճանով:

Երևանում մայիսի 9-ին ցերեկային ժամերին օդը կտաքանա մինչև 27-28 աստիճան տաքություն, հաջորդ երկու օրերին կտաքանա 1 աստիճանով, իսկ շաբաթվա վերջին օդի ջերմաստիճանը կնվազի մինչև 25-27 աստիճան տաքություն: -0-