ԵՐԵՎԱՆ, 30 ապրիլի./Նովոստի–Արմենիա/. 1996 թ.–ի մայիսի 1–ին Երևանում արևային և պայծառ եղանակ էր։ Մենք, մի խումբ համախոհներով, հավաքվեցինք երևանցիների հայտնի «Առագաստ» սրճարանում, ըմպեցինք 50 դրամանոց սուրճ և գնացինք աշխատանքի։ Չգիտեինք, թե ինչ է սպասվում առջևում, պարզապես հավատում էինք, որ կկարողանանք ստեղծել ինչ–որ նոր բան` մեր սեփականը։ Մեզ գոյության տարբեր ժամկետներ էին կանխատեսում, երեք տարուց ավել ոչ ոք չէր կանխատեսում։ Այսպես ստեղծվեց Հայաստանում այն ժամանակ չորրորդ և առաջին տնտեսական «ԱՌԿԱ» գործակալությունը։
Անցել է արդեն 21 տարի։ Մենք շատ բան ենք սովորել մաքուր էջից և սովորեցրել ուրիշներին, այս ընթացքում «առկայացիների» բազմաթիվ սերունդներ են աճել։ Մենք վստահ ենք, որ մասնագիտության նկատմամբ սերն ու լավ հավակնություններն օգնեցին մեզ դիմանալ և շարունակել զարգանալ։
Հավատում ենք, որ լրատվամիջոցը մեր երկրում կարող է որակյալ լինել, քանի որ առանց դրա, որքան էլ դա վերամբարձ է հնչում, երկիրը չի կարող նորմալ զարգանալ ո՛չ տնտեսապես, ո՛չ քաղաքականապես։
Մենք վերապրեցինք կայքիկների ստեղծման դարաշրջանը։ Գործընկերների հետ ստեղծեցինք, իսկ հիմա արդեն ինքնուրույն զարգացնում ենք ևս մեկ գործակալություն` «Նովոստի–Արմենիան», որը կայուն կերպով գործում է` օգտագործելով բոլոր ժամանակակից մեդիա–տեխնոլոգիաները։
Ցանկանում եմ շնորհակալություն հայտնել բոլոր նրանց, ովքեր այսպես թե այնպես կապ ունի «ԱՌԿԱ» ապրանքանիշի ստեղծման հետ, աշխատել է մեզ հետ, օգնել, սատարել, բաժանորդագրվել մեր նորություններին անգամ այն ժամանակ, երբ լրատվական հոսքը բաղկացած էր ամեն շաբաթ թողարկվող ընդամենը մեկ փոքր տեղեկագրից։
Մենք սիրում ենք մեր աշխատանքը, սիրում ենք ստեղծել նորություններ և նոր նախագծեր, և ես վստահ եմ, որ վաղ թե ուշ Հայաստանում որակյալ լրատվամիջոցները կվերապրեն անկայունության ներկա փուլն ու կշարունակեն իրենց բնական զարգացումը։
Կոնստանտին Պետրոսով
«ԱՌԿԱ» գործակալության տնօրեն
Ծանոթացեք լուրերին առաջինն ու քննարկեք դրանք մեր Telegram-յան ալիքում
