ԵՐԵՎԱՆ, 16 մարտի. /Նովոստի–Արմենիա/. Հայաստանը
Միավորված ազգերի կազմակերպության կազմած երջանիկ երկրների ցուցակի 121–րդ հորիզոնականում է։
Այդ ցուցակում նշված է ընդամենը 157 երկիր։ Հաշվարկների ժամանակ հաշվի են առնվել այնպիսի ցուցանիշներ, ինչպիսիք են` մեկ շնչին բաժին ընկնող ՀՆԱ–ն, սոցիալական աջակցությունը, կյանքի տևողությունը, ընտրության ազատությունը կյանքի ընթացքում, բնակիչների շռայլությունը և կոռուպցիայի մակարդակը երկրում։
Հայաստանը 2016 թ. գարնանային ճանապարհորդությունների մատչելի ուղղությունների ցուցակում է>>
Ըստ ՄԱԿ–ի, ամենաերջանիկ երկրներ են` Դանիան, Շվեյցարիան, Իսլանդիան, Նորվեգիան, Ֆինլանդիան, Կանադան, Նիդեռլանդները, Նոր Զելանդիան, Ավստրալիան և Շվեդիան։
Հայկական ռեստորանն ընդգրկվել է ազգային խոհանոցի լավագույն ռեստորանների հնգյակում>>
Ռուսաստանն այդ ցուցակի 56–րդ հորիզոնականում է, Վրաստանը` 126–րդ տեղում, Ադրբեջանը` 81–րդ, Իրանը` 105–րդ, իսկ Թուրքիան գտնվում է 78–րդ հորիզոնականում։
Ամենադժբախտ երկրներն են` Բենինը, Աֆղանստանը, Տոգոն, Սիրիան և Բուրունդին։
–0--