ԵՐԵՎԱՆ, 19 մարտի. /Նովոստի–Արմենիա/. Մոտ ժամանակներում բողոքի լուրջ ցույցեր, նույնիսկ անհնազանդության ակցիաներ են սպասվում՝ կապված «վիճակախաղերի» մասին օրենքում փոփոխությունների նախագծի հետ, գրում է «Ժամանակ» թերթը։
Ըստ պարբերականի, օրինագծով առաջարկվում է խիստ սահմանափակել բուքմեյքերական ընկերությունների ֆիզիկական ներկայությունը։
Թերթի աղբյուրները պնդում են, որ նոր իշխանությունների այդ քայլերի հետևանքով հազարավոր մարդիկ կա՛մ կդառնան գործազուրկ, կա՛մ կկորցնեն եկամտի կայուն աղբյուրը։
«Խոսքը ոչ միայն այդ գրասենյակներում աշխատողների, այլև վարձակալությամբ բուքմեյքերականներին տարածքներ հանձնած մարդկանց մասին է»,– ասվում է գրառման մեջ։
Загружается новость ...
"Право"
Նշվում է, որ տվյալ փոփոխությունների արդյունքում պետությունը կկրի ոչ միայն հսկայական նյութական վնաս` ի դեմս լիցենզիայի գումարի, սոցվճարների, գույքահարկի, այլ նաև հազարավոր մարդիկ կդառնան գործազուրկ, ինչպես նաև չի լուծվի գլխավոր խնդիրը` խաղադրույք կատարողը կշարունակի խաղալ, բայց դա կանի բացառապես համացանցի միջոցով։
«Մեր աղբյուրները պնդում են, որ մի քանի բուքմեյքերականների աշխատողներ ցանկանում են ծայրահեղ քայլերի դիմել հենց այսօր, բայց նրանց ղեկավարներին դեռևս հաջողվում է կանխել դա, սակայն մեզ հետ զրույցում փոխանցեցին, որ երկար զսպել չեն կարող, մարդկանց օրվա հացն է վտանգված. խոսքը մոտավոր հաշվարկով 6000 մարդու մասին է»,- գրում է թերթը։ -0-