ԵՐԵՎԱՆ, 25 ապրիլի. /Նովոստի Արմենիա/. Հայաստանում բողոքի ակցիաների ընթացքում արձանագրվել է լրագրողների դեմ բռնության 27 դեպք, չորեքշաբթի մամուլի ասուլիսում ասաց Խոսքի ազատության պաշտպանության կոմիտեի ղեկավար Աշոտ Մելիքյանը։
Հայաստանում ապրիլի 13–ից մեկնարկած մասշտաբային բողոքի ակցիաների ֆոնին ապրիլի 23–ին ՀՀ վարչապետ Սերժ Սարգսյանը հրաժարական տվեց։ Նույն օրը ՀՀ նախագահ Արմեն Սարգսյանն ընդունեց կառավարության հրաժարականը։
«Ցավոք, այս անգամ, ինչպես և առաջ, ներքաղաքական լարվածության պայմաններում տուժել են լրագրողներ և ԶԼՄ–ների ներկայացուցիչներ։ Խոսքը հատուկ միջոցների կիրառման հետևանքով տուժածների, այլ ԶԼՄ–ների ներկայացուցիչների դեմ ուղղված բռնության դեպքերի մասին է»,– ասաց Մելիքյանը։
Загружается новость ...
"Право"
Միաժամանակ նա նշեց, որ 16 դեպքերում խոսքը ֆիզիկական բռնության մասին է, երկու դեպքում` ճնշում գործադրելու, իսկ հատուկ տեխնիկայի կիրառման հետևանքով տուժել է ԶԼՄ ինը ներկայացուցիչ։
«Մենք նաև արձանագրում ենք ոչ միայն իրավապահների գործողությունները, այլ նաև ընդդիմադիր ուժերի կողմից պետական ԶԼՄ–ների վրա ճնշում գործադրելու դեպքերը»,– ասաց Մելիքյանը։ -0-
