Հայաստանի բնակիչները երկարակեցության ռեկորդակիր են լինելու ԱՊՀ–ում

ԵՐԵՎԱՆ, 22 հունիսի. /Նովոստի-Արմենիա/. ՄԱԿ–ի զեկույցի համաձայն, մինչև 2100 թվականը հայերն ԱՊՀ մյուս երկրների բնակիչներից ավելի երկար են ապրելու։

Ինչպես նշվում է Տնտեսական և սոցիալական հարցերի դեպարտամենտի զեկույցում, կյանքի ակնկալվող տևողությունը Հայաստանում ներկայիս 72.7 տարուց կաճի մինչև 86.5։ Այս ցուցանիշն ամենաբարձրն է ԱՊՀ բոլոր երկրների շրջանում։ Հայաստանից հետո Բելառուսն է (84,9 տարի) և Ուկրաինան (84,2 տարի)։


Զեկույցում նշվում է, որ հետխորհրդային տարածքի բոլոր երկրների թվում միայն Էստոնիան է առաջ անցնում Հայաստանից 88.8 տարի ցուցանիշով։

ԱՊՀ երկրների աութսայդերներն են Ադրբեջանը (82,6 տարի), Ուզբեկստանը (82 տարի) և Թուրքմենստանը (77,9 տարի)։

Ռուսաստանում կյանքի ակնկալվող տևողությունը կազմում է 83.2 տարի։
2016 թվականին ԱՀԿ–ի «Առողջապահության համաշխարհային վիճակագրություն» զեկույցում Հայաստանում կյանքի տևողությունը կազմում էր 74.8 տարի։ -0-