«Գործ N22/21. Սողոմոն Թեհլիրյան» կամ լրագրողական հետաքննություն Գերմանիայում (ՏԵՍԱՆՅՈՒԹ)
20.04.2017,
17:43
Նկարահանվել է Սողոմոն Թեհլիրյանի դատավարության և «Նեմեսիս» գործողության ծրագրի մասին պատմող հեռուստաֆիլմ:
ԵՐԵՎԱՆ, 20 ապրիլի. /Նովոստի–Արմենիա/. Նկարահանվել է Սողոմոն Թեհլիրյանի դատավարության և «Նեմեսիս» գործողության ծրագրի մասին պատմող հեռուստաֆիլմ, հայտնում է Հայաստանի հանրային հեռուստաընկերության հասարակայնության հետ կապերի բաժինը։
Ֆիլմը կոչվում է «Գործ N22/21. Սողոմոն Թեհլիրյան» և եթեր կհեռարձակվի ապրիլի 24-ին:
ՀՀՀ–ի նկարահանած հեռուստաֆիլմը, ըստ էության, լրագրողական հետաքննություն է, որը տևել է ավելի քան մեկ տարի` նպատակ ունենալով ոչ միայն պարզել «Նեմեսիս» գործողության ողջ եղելությունը, այլ նաև ներկայացնել այդ գործողության ծրագրի բոլոր հանգամանքները։
Մարսելի հրապարակներից մեկը կկրի Սողոմոն Թեհլերյանի անունը>>
Ֆիլմի սցենարի հեղինակ Մարիաննա Փայտյանը լրագրողական հետաքննության ընթացքում հանդիպել է հայազգի փորձագետների հետ, բացառիկ նկարահանումներ է կատարել Գերմանիայում՝ գերմանացի ուսումնասիրողների ուղեկցությամբ, եղել այն դատարանում, որտեղ անցկացվել է դատավարությունը, փորձել պարզել, թե ինչու դատարանում Սողոմոնի տված ցուցմունքն ու նրա կենսագրական տվյալները հաճախ չեն համընկնում։
Նկարահանումներ են կատարվել Բեռլինի թուրքական էքստերիտորիալ տարածքում գտնվող թուրքական գերեզմանատանը, որտեղ ժամանակին թաղված է եղել Թալեաթը։
Մինչ այսօր այնտեղ են Բեհաէդդին Շաքիրի և Ջեմալ Ազմիի գերեզմանները, որոնք մյուս ոճրագործների՝ Թուրքիայում գտնվող գերեզմանների հետ միասին ուխտատեղի են դարձել թուրք ծայրահեղականների համար:
Ֆիլմի պատրաստման ընթացքում հեղինակներին հաջողվել է զրուցել Սողոմոնի ազգականների՝ զարմիկի և թոռնուհու հետ:
Նկարահանումների ընթացքում բազմաթիվ հետաքրքիր փաստաթղթեր են վերհանվել, այդ թվում՝ Սողոմոնի բանտում գրած օրագիրը, Պոտսդամում Լեփսիուսի տանը պահվող բացառիկ փաստաթղթեր, որոնք վերաբերում են Սողոմոնի դատավարությանը:
«Գործ N22/21. Սողոմոն Թեհլիրյան» ֆիլմի ռեժիսորն Ամալյա Սարգսյանն է, օպերատոր՝ Կարեն Թորոսյան, մոնտաժը՝ Գոռ Արևշատյանի, երաժշտության հեղինակ՝ Արթուր Թադևոսյան, նկարիչ՝ Զաքար Դեմիրճյան:
1921թ.-ի մարտի 15-ին հայ ուսանող Սողոմոն Թեհլերյանը բեռլինյան Շարլոթենբուրգ շրջանի Հարդենբերգ շթրասեում գնդակահարեց 1915թ.-ի հայերի ցեղասպանության գլխավոր կազմակերպիչներից մեկին` Օսմանյան կայսրության ներքին գործերի նախկին նախարար Թալեաթին: Հետագայում Թեհլիրյանը նույն թվականի հունիսի 2-ին արդարացվեց բեռլինյան երդվյալ ատենակալների դատարանի կողմից: -0-
Ֆիլմը կոչվում է «Գործ N22/21. Սողոմոն Թեհլիրյան» և եթեր կհեռարձակվի ապրիլի 24-ին:
ՀՀՀ–ի նկարահանած հեռուստաֆիլմը, ըստ էության, լրագրողական հետաքննություն է, որը տևել է ավելի քան մեկ տարի` նպատակ ունենալով ոչ միայն պարզել «Նեմեսիս» գործողության ողջ եղելությունը, այլ նաև ներկայացնել այդ գործողության ծրագրի բոլոր հանգամանքները։
Մարսելի հրապարակներից մեկը կկրի Սողոմոն Թեհլերյանի անունը>>
Ֆիլմի սցենարի հեղինակ Մարիաննա Փայտյանը լրագրողական հետաքննության ընթացքում հանդիպել է հայազգի փորձագետների հետ, բացառիկ նկարահանումներ է կատարել Գերմանիայում՝ գերմանացի ուսումնասիրողների ուղեկցությամբ, եղել այն դատարանում, որտեղ անցկացվել է դատավարությունը, փորձել պարզել, թե ինչու դատարանում Սողոմոնի տված ցուցմունքն ու նրա կենսագրական տվյալները հաճախ չեն համընկնում։
Նկարահանումներ են կատարվել Բեռլինի թուրքական էքստերիտորիալ տարածքում գտնվող թուրքական գերեզմանատանը, որտեղ ժամանակին թաղված է եղել Թալեաթը։
Մինչ այսօր այնտեղ են Բեհաէդդին Շաքիրի և Ջեմալ Ազմիի գերեզմանները, որոնք մյուս ոճրագործների՝ Թուրքիայում գտնվող գերեզմանների հետ միասին ուխտատեղի են դարձել թուրք ծայրահեղականների համար:
Ֆիլմի պատրաստման ընթացքում հեղինակներին հաջողվել է զրուցել Սողոմոնի ազգականների՝ զարմիկի և թոռնուհու հետ:
Նկարահանումների ընթացքում բազմաթիվ հետաքրքիր փաստաթղթեր են վերհանվել, այդ թվում՝ Սողոմոնի բանտում գրած օրագիրը, Պոտսդամում Լեփսիուսի տանը պահվող բացառիկ փաստաթղթեր, որոնք վերաբերում են Սողոմոնի դատավարությանը:
«Գործ N22/21. Սողոմոն Թեհլիրյան» ֆիլմի ռեժիսորն Ամալյա Սարգսյանն է, օպերատոր՝ Կարեն Թորոսյան, մոնտաժը՝ Գոռ Արևշատյանի, երաժշտության հեղինակ՝ Արթուր Թադևոսյան, նկարիչ՝ Զաքար Դեմիրճյան:
1921թ.-ի մարտի 15-ին հայ ուսանող Սողոմոն Թեհլերյանը բեռլինյան Շարլոթենբուրգ շրջանի Հարդենբերգ շթրասեում գնդակահարեց 1915թ.-ի հայերի ցեղասպանության գլխավոր կազմակերպիչներից մեկին` Օսմանյան կայսրության ներքին գործերի նախկին նախարար Թալեաթին: Հետագայում Թեհլիրյանը նույն թվականի հունիսի 2-ին արդարացվեց բեռլինյան երդվյալ ատենակալների դատարանի կողմից: -0-
Պատճենել հղումը
