ԵՐԵՎԱՆ, 23 հունիսի. /Նովոստի–Արմենիա/. Հունիսի 21-ի առավոտյան Աշտարակի բնակիչը ներկայացել է ոստիկանություն։
Ինչպես հայտնում է ոստիկանության լրատվական ծառայությունը, 1962 թ. ծնված Ֆեմիդա Մ.-ն կամավոր ոստիկանությանն է հանձնել նռնակի 4 պայթուցիչ, տարբեր տրամաչափի 44 փամփուշտ:
Ըստ հաղորդման, զինամթերքը հանձնվել է ոստիկանության Աշտարակի բաժնի ծառայողների և ոստիկանության վետերանների բացատրական աշխատանքների շնորհիվ։
Ոստիկանության ՊՊԳՎ Արաբկիրի պահպանության բաժնի ծառայողների բացատրական աշխատանքների շնորհիվ ոստիկանությանը 5,45 մմ տրամաչափի ինքնաձիգի 100 փամփուշտ, «ՌԳԴ-5» տիպի նռնակ, նռնակի պայթուցիչ և 5,45 մմ տրամաչափի հրացան է հանձնել նաև 1954 թ. ծնված Գրետա Դ.-ն։
Իջևանի պահպանության բաժնում 1991 թ. ծնված Արմեն Ե.-ն կամավոր հանձնել է ժապավենով 14,5 մմ տրամաչափի «ԿՊՎԴ» գնդացրի 39 փամփուշտ, 7,62 մմ տրամաչափի «Կարաբին» տիպի 137, 7,62 մմ տրամաչափի «ԱԿՄ» տիպի 327, 5,45 մմ տրամաչափի «ԱԿ-74» 464 փամփուշտ, ինքնաձիգի դատարկ 2 պահունակ ու «Ֆ-1» տիպի նռնակ՝ առանց պայթուցիչի: -0-
Ծանոթացեք լուրերին առաջինն ու քննարկեք դրանք մեր Telegram-յան ալիքում