Երեքշաբթի` ապրիլի 16–ի առավել ուշագրավ նորությունները

08:00

17 Ապրիլի 2019

ԵՐԵՎԱՆ, 17 ապրիլի./Նովոստի–Արմենիա/. «Նովոստի–Արմենիա» գործակալությունը ներկայացնում է երեքշաբթի` ապրիլի 16–ի առավել ուշագրավ նորությունների սեփական տարբերակը։

ԱԱԾ տնօրեն Արթուր Վանեցյանը հայտարարել է, որ ԱԱԾ–ին հայտնի է հետախուզման մեջ գտնվող ՀՀ նախկին գլխավոր հարկադիր կատարող Միհրան Պողոսյանի գտնվելու վայրը։ Հիշեցնենք, որ ՀՔԾ–ում քննվող քրեական գործի շրջանակներում ՀՀ դատական ակտերի նախկին գլխավոր հարկադիր կատարող Միհրան Պողոսյանը ՀՀ քրեական օրենսգրքի 179-րդ հոդվածի 3-րդ մասի 1-ին կետով (Յուրացնելը կամ վատնելը առանձնապես խոշոր չափերով) և 308-րդ հոդվածի 2-րդ մասով (Պաշտոնեական լիազորությունները չարաշահելը, որն անզգուշությամբ առաջացրել է ծանր հետևանքներ) ներգրավվել է որպես մեղադրյալ հանրորեն վտանգավոր այն արարքների կատարման համար, որ նա, օգտագործելով պաշտոնեական դիրքը, վատնման եղանակով առանձնապես խոշոր չափերով գույք է հափշտակել և չարաշահել իր պաշտոնեական լիազորությունները, ինչն առաջացրել է ծանր հետևանքներ։ Ավելի ուշ Միհրան Պողոսյանի գրասենյակը հանդես եկավ հայտարարությամբ` կոչ անելով պատկան մարմիններին հանդես չգալ թատերական հայտարարություններով։ Գրասենյակից նաև նշել են, որ Միհրան Պողոսյանը հարուցված գործի շրջանակներում, առաջին իսկ օրվանից, տրամադրել է իր գտնվելու վայրն ու հասցեն։

Պետական վերահսկողական ծառայության աշխատակիցներին վերաբերող քրեական գործով ՊՎԾ պետ Դավիթ Սանասարյանը ներգրավվել է որպես կասկածյալ։

Զարթոնք համայնքի ղեկավարը մեղադրվում է ապրիլյան պատերազմի մասնակիցների սոց. օգնությունը յուրացնելու մեջ։–0–

Ծանոթացեք լուրերին առաջինն ու քննարկեք դրանք մեր Telegram-յան ալիքում

#երեքշաբթի #ապրիլի 16 #ուշագրավ նորություններ

Թեմատիկ նյութեր