Դահլիճից դուրս եմ հրավիրելու պատգամավորներին, ովքեր դիմակ չեն կրում. ԱԺ խոսնակը՝ պատգամավորներին (ՎԻԴԵՈ)
ԵՐԵՎԱՆ, 26 մայիսի./Նովոստի-Արմենիա/. ՀՀ ԱԺ նախագահ Արարատ Միրզոյանն այսօր ԱԺ նիստի ժամանակ նախազգուշացրել է պատգամավորներին, որ 1 կամ 7 օրով դուրս է հրավիրելու այն պատգամավորներին, ովքեր դիմակ չեն կրում:
«Նաև այն իրավական ակտի գործադրման առումով, այլև ելնելով բոլորիս պատասխանատվությունից՝ համավարակի դեմ պայքարում մեր լուման ներդրելու համատեքստում»,- նշել է նա՝ հորդորելով պատգամավորներին օրինակ լինել հայաստանցիների համար այս հարցում:
Այնուհետև Միրզոյանն ինքը խոստովանել է, որ փակ տարածքներում դիմակ չի կրել:
«Ուզում եմ բոլորիդ առջև ասել՝ այո ես սխալ եմ արել, մտածել եմ հանդիսավոր պահա, Արցախի նախագահի հանդիսավոր արարողությունն է, թեև փակ դահլիճում և չեմ կրել դիմակը: Ուզում եմ խոստովանել, որ դա սխալ էր»,- նշել է նա:
Նրան հակադարձել է ԼՀԿ ղեկավար Էդմոն Մարուքյանը, որ Ազգային ժողովում խոսելիս անհարմար է դիմակով խոսել և որ պարետի որոշումները չեն կարող կիրառվել ԱԺ-ում:
Հիշեցշենք, որ մայիսի 25-ից պարետի որոշմամբ պարտադիր է դառնում հանրային բաց վայրերում դիմակների առկայությունը, իսկ փակ վայրերում դիմակների կրումը:
