Beeline-ը փոխել է Hi-Line ինտերնետ ծառայության համար վճարման անհատական համարները

ԵՐԵՎԱՆ, 8 հուլիսի. /Նովոստի-Արմենիա/. «ԱրմենՏել» ՓԲԸ-ը (ապրանքանիշը` Beeline) տեղեկացնում է, որ մի շարք բաժանորդների Hi-line ծառայություները տեղափոխվելու են նոր պլատֆորմ, ինչի հետ կապված կփոխվեն ինտերնետ ծառայությունների համար վճարման նրանց անհատական համարները:

Ինչպես հայտնեցին ընկերության մամուլի ծառայությունից, 2016 թ.-ի հուլիսի 11–ից 12–ը նոր պլատֆորմ տեղափոխված Երևանում գտնվող Hi-line ծառայության բոլոր այն բաժանորդները, ում քաղաքային հեռախոսահամարը սկսվում է 42, 43, 44, 45, 46, 47, 48, 61, 62, 63, 64 և 66 նիշերով, ինտերնետ կապի համար վճարումը պետք է պարտադիր իրականացնեն Beeline գրասենյակում

Գրասենյակում բաժանորդներին կտրամադրվի նաև ինտերնետի վճարման նոր անհատական համար, որից հետո միայն հնարավոր կլինի հաջորդիվ վճարումներն իրականացնել տերմինալների և վճարման այլ համակարգերի միջոցով։

«Ինտերնետի հին համարով վճարումները վավերական չեն համարվի, և ծառայության մատուցումը կդադարեցվի», - նշվում է հաղորդագրության մեջ։

«ԱրմենՏել» ՓԲԸ–ն (ապրանքանիշը` Beeline) 2006 թ.–ի նոյեմբերի 3–ին ներառված է «ՎիմպելԿոմ Լթդ» ընկերությունների խմբի կազմում, որը ձեռք է բերել ընկերության բաժնետոմսերի 90 տոկոսը։ 2007 թ.–ի ապրիլից «ԱրմենՏել» ընկերության բաժնետոմսերի 100 տոկոսը պատկանում է ռուսական ընկերությանը։ «ԱրմենՏելը» տրամադրում է ամրակցված (ավելի քան 650 հազար բաժանորդ) և բջջային կապի (ավելի քան 780 հազար բաժանորդ), ինչպես նաև երկրի ողջ տարածքում բարձր արագության ինտերնետի ծառայություններ:-0-