Բան Կի Մունն ափսոսանք է հայտնել Հայաստան կատարելիք այցի հետաձգման վերաբերյալ

ԵՐԵՎԱՆ, 23 ապրիլի. /Նովոստի–Արմենիա/. ՄԱԿ-ի գլխավոր քարտուղար Բան Կի Մունն ափսոսանք է հայտնել, որ չնախատեսված հանգամանքների բերումով հետաձգվել է իր այցը Հայաստան, ասել է գլխավոր քարտուղարն այսօր Հայաստանի նախագահ Սերժ Սարգսյանի հետ շաբաթ օրն ունեցած հեռախոսազրույցի ընթացքում։

Հեռախոսազրույցը տեղի է ունեցել ՄԱԿ-ի գլխավոր քարտուղարի նախաձեռնությամբ, հայտնում է պետության ղեկավարի մամուլի ծառայությունը։

«Գլխավոր քարտուղարը կարևորելով ԼՂ հիմնահարցի խաղաղ կարգավորման գործընթացը` իր լիակատար աջակցությունն է հայտնել ԵԱՀԿ Մինսկի խմբի համանախագահողների գործունեությանը»,– նշվում է հաղորդման մեջ։

 
Ըստ հաղորդագրության, նախագահ Սարգսյանը, նշելով որ Հայաստանի հասարակությունը վաղուց ի վեր սպասում է Գլխավոր քարտուղարի այցին, հույս է հայտնել, որ կհաջողվի նրա այցն իրականացնել փոխադարձաբար համաձայնեցված նոր ժամկետներում:

Հիշեցնենք, որ ավելի վաղ Բան Կի Մունը հայտնել էր Հայաստան, Ադրբեջան և Վրաստան իր նախատեսած այցերի ժամկետները տեղափոխելու մասին։ -0-