Արարատ Խանդոյանը դատապարտվեց 3 տարի 6 ամսվա ազատազրկման

ԵՐԵՎԱՆ, 27 հունիսի./Նովոստի–Արմենիա/. «Սասնա ծռեր» խմբի անդամ, «Միայնակ գայլի»` Արայիկ Խանդոյանի եղբայրը՝ Արարատ Խանդոյանը, դատապարտվեց 3 տարի 6 ամիս ազատազրկման:

Դատավճիռն ընթերցվեց Կենտրոն և Նորք-Մարաշ վարչական շրջանների ընդհանուր իրավասության դատարանում կայացած դատական նիստում։

Դատավոր Մնացական Մարտիրոսյանը, հրապարակած դատավճիռի համաձայն, Արարատ Խանդոյանը մեղավոր ճանաչեց զանգվածային անկարգություններին մասնակցելու մեջ։


Արարատ Խանդոյանը դատավճռին ընդունեց ծափերով և հեգնական ծիծաղով։ Դատավճիռը դժգոհությամբ ընդունվեց նիստերի դահլիճում, Խանդոյանի հարազատները լքեցին այն:

Արարատ Խանդոյանը բերման էր ենթարկվել 2016թ. հուլիսի 20-ին Խորենացի փողոցից: Նրան մեղադրանք էր առաջադրվել ՀՀ քրեական օրենսգրքի 225-րդ հոդվածով՝ զանգվածային անկարգություններին մասնակցելը։

Մեղադրող դատախազն Արարատ Խանդոյանի նկատմամբ պահանջել էր չորս տարվա ազատազրկում:-0-