ԵՐԵՎԱՆ, 21 հունիսի. /Նովոստի–Արմենիա/. Հայաստանի խորհրդարանն ուրբաթ արտահերթ նստաշրջան է հրավիրել` քննարկելու համար այն բոլոր հարցերը, որոնք չի հասցրել քննարկել գարնանային նստաշրջանի ընթացքում։
Խոսնակ Արարատ Միրզոյանը, հայտարարելով խորհրդարանականների գրանցումը, փորձեց նրանց հանդարտեցնել և խնդրեց դադարեցնել խոսակցություններն ու անցնել աշխատանքի։
Նրանից հետո, երբ պատգամավորները հավաքվեցին, քվեարկեցին որոշ օրինագծերի վերաբերյալ և վերադարձան անավարտ հարցի քննարկմանը, «Բարգավաճ Հայաստան» խմբակցության պատգամավոր Նաիրա Զոհրաբյանը հարցով մոտեցավ «Լուսավոր Հայաստան» խմբակցության ղեկավար Էդմոն Մարուքյանին։
«Գործընկերներ, բավական է, դրսում քննարկեք ձեր հարցերը, մի հատ էլ սալյուտ խփեք»,– ասաց Միրզոյանը, ով նախքան դա ինքն էր զրուցում փոխխոսնակ Լենա Նազարյանի հետ։
Միրզոյանի ռեպլիկը ծիծաղ և իրարանցում առաջացրեց դահլիճում։
Հիշեցնենք, որ 2018 թվականի ապրիլին նախորդ գումարման խորհրդարանի նիստում Արարատ Միրզոյանը և Լենա Նազարյանն ի նշան բողոքի գործող իշխանությունների դեմ նույն դահլիճում գունավոր ֆայերներ էին վառել։ -0-