Արա Սաղաթելյանը նշանակվեց ԱԺ աշխատակազմի ղեկավար

ԵՐԵՎԱՆ, 19 մայիսի. /Նովոստի–Արմենիա/. Նախագահի աշխատակազմի հանրային կապերի և տեղեկատվության կենտրոնի ղեկավար Արա Սաղաթելյանը նշանակվեց Ազգային ժողովի աշխատակազմի ղեկավար։

Այս մասին «Նովոստի–Արմենիա» գործակալությանը հայտնեց ԱԺ Հանրապետական խմբակցության պատգամավոր, խորհրդարանի աշխատակազմի նախկին ղեկավար Հրայր Թովմասյանը։

Թովմասյանի խոսքով, համապատասխան նշանակումը ստորագրել է Ազգային ժողովի խոսնակ Արա Բաբլոյանը։

Արա Սաղաթելյանը 20–ամյա փորձ ունի հանրային կապերի ոլորտում։ Հայաստանի հասարակայնության հետ կապերի ասոցիացիայի նախագահն է։ -0-