Այսօր՝ մինչև 20:00-ն, ջուր չի լինի Երևանի կենտրոնի որոշ հասցեներում

ԵՐԵՎԱՆ, 9 մայիսի./Նովոստի-Արմենիա/. Վթարի հետևանքով այսօր մինչև 20:00-ն ջուր չի լինի Երևանի Կենտրոն վարչական շրջանի փողոցներից մեկում։

«Վեոլիա Ջուր» ընկերությունը տեղեկացնում է իր հաճախորդներին և սպառողներին, որ վթարային աշխատանքներով պայմանավորված, ս.թ մայիսի 9-ին ժամը 11:00-20:00-ն կդադարեցվի Բրյուսով փողոցի ջրամատակարարումը:

«Ընկերությունը հայցում է սպառողների ներողամտությունը պատճառված անհանգստության և կանխավ շնորհակալություն հայտնում ըմբռնման համար», - նշվում է ընկերության հայտարարության մեջ։