Շոգե՞ր, թե՞ անձրև. Սուրենյանը ներկայացրել է առաջիկա օրերի եղանակի կանխատեսումը

ԵՐԵՎԱՆ, 29 հուլիսի./Նովոստի–Արմենիա/. Առաջիկա 5 օրերին ուժեղ շոգեր չունենք։ Այս մասին Facebook–յան իր էջում հայտնել է  Հիդրոօդերևութաբանության և մոնիտորինգի կենտորնի տնօրենի տեղակալ Գագիկ Սուրենյանը։

«Հանրապետության ամենատաք գոտիներում այդ թվում նաև Երևանում օդի ջերմաստիճանը չի գերազանցի +35․․․+36 աստիճանը, իսկ երեկոյան ժամերին հանրապետության առանձին շրջաններում ամպրոպային բնույթի կարճատև անձրևները դեռ կշարունակվեն», – նշել է օդերևութաբանը։

Կենտրոնի հաղորդմամբ, Երևանում օգոստոսի 1-3-ին գիշերը և երեկոյան քաղաքի առանձին հատվածներում սպասվում է կարճատև անձրև և ամպրոպ, ամպրոպի ժամանակ` քամու ուժգնացում 20-22մ/վրկ: Հուլիսի 30-31-ին սպասվում է առանց տեղումների եղանակ։

Հանրապետության տարածքում հուլիսի 30-31-ին, օգոստոսի 1-3-ին գիշերը և կեսօրից հետո առանձին շրջաններում սպասվում է կարճատև անձրև և ամպրոպ, ամպրոպի ժամանակ` քամու ուժգնացում 20-25մ/վրկ: Առանձին վայրերում սպասվում է նաև կարկուտ:

Քամին հյուսիս-արևմտյան՝ 3-8 մ/վրկ:

Օդի ջերմաստիճանը հուլիսի 29-ի ցերեկը նվազել է 2-4 աստիճանով։–0–