Սերբիայում Հայաստանի հայցով ձերբակալել են ԵԱՀԿ-ին կից Հյուսիսային Մակեդոնիայի առաքելության ղեկավարի տեղակալին

ԵՐԵՎԱՆ, 5 սեպտեմբերի․/Նովոստի-Արմենիա/․ Սերբիայի իրավապահ մարմինները Հայաստանի իշխանությունների կողմից նախաձեռնած միջազգային օրդերի հիման վրա ձերբակալել են ԵԱՀԿ-ին կից Հյուսիսային Մակեդոնայի առաքելության ղեկավարի տեղակալ Միլե Միլենկովսկուն։

Ինչպես հաղորդում է ՏԱՍՍ-ը, հղում անելով Alsat-M հյուսիսմակեդոնական հեռուստաալիքին, Միլենկովսկին ձերբակալվել է օգոստոսի 27-ին «Պրեշևո» սահմանակետը հատելիս՝ Հյուսիսային Մակեդոնիայի տարածք մուտք գործելու ժամանակ։ Սակայն միայն ուրբաթ՝ սեպտեմբերի 3-ին, հանրապետության արտաքին գործերի ազգային նախարարաությունը հաստատել է այս տեղեկատվությունը։

Հեռուստաալիքի տվյալներով, սերբական լիազոր մարմինները գործել են՝ հայկական կողմի հայցերին համապատասխան, որը քննում է մի գործ, որով անցնում է Միլենկովսկին։ Միաժամանակ դիվանագետը երկրի ազգային հակահետախուզության նախկին ղեկավար Սաշո Միյալկովի բարեկամն է, վերջինս ազատազրկման մեջ է ծառայողական լիազորություննեըը գերազանցելու մեղադրանքով։

Հայաստանի իրավապահ մարմինների տեղեկություններով, 2018թ․-ին Հյուսիսային Մակեդոնիայի երեք դիվանագետ՝ Միլենկովսկու գլխավորությամբ, մասնավոր օդանավով Հայաստանից տարել են նախկին իշխանության ներկայացուցիչներից մեկին, ով մեղադրվում է խոշոր գումար հափշտակելու մեջ։-0-