ԵՐԵՎԱՆ, 8 սեպտեմբերի./Նովոստի–Արմենիա/. Սեպտեմբերի 21–ին Հանրապետության Հրապարակում կկազմակերպվի մասշտաբային և գունեղ տոնակատարություն` նվիրված Հայաստանի անկախությանը, տեղեկացրեց ՀՀ վարչապետ Նիկոլ Փաշինյանն այսօր կառավարության նիստի ժամանակ։
«Մեզ հայտնի հանգամանքների բերումով մեր տրամադրությունը տոնական համարել չի կարելի, բայց մենք որոշում ենք կայացրել, որ ՀՀ անկախության 30-րդ տարեդարձը պետք է պատշաճ ձևով նշվի, և սեպտեմբերի 21-ին Հանրապետության հրապարակում տեղի է ունենալու մաշստաբային և գունագեղ տոնակատարություն», – ասաց նա։
Փաշինյանը նշեց, որ այդ տոնակատարությունը առաջին հերթին նվիրված է լինելու ՀՀ անկախության, ինքնիշխանության, անվտանգության և Արցախի համար իրենց կյանքը զոհած մեր նահատակների հիշատակին
Նշենք, որ կառավարության որոշմամբ` սեպտեմբերի 20–ի աշխատանքային օրը (երկուշաբթի) տեղափոխվեց սեպտեմբերի 25 (շաբաթ)։
Հայաստանը սեպտեմբերի 21–ին կնշի անկախության 30–ամյակը։–0–
