Փաշինյան. արտաքին միջավայրում մենք շատ լուրջ խնդիրներ ունեցանք ու շարունակում ենք ունենալ (ՎԻԴԵՈ)
12:54
30 Դեկտեմբերի 2021
ԵՐԵՎԱՆ, 30 դեկտեմբերի./Նովոստի-Արմենիա/. ՀՀ վարչապետ Նիկոլ Փաշինյանը հինգշաբթի կառավարության նիստի ժամանակ նշել է, որ հանապետության առաջ ծառացած են անվտանգային լուրջ խնդիրներ:
Загружается новость ... "Лево"
«Արտաքին միջավայրում մենք շատ լուրջ խնդիրներ ունեցանք ու շարունակում ենք ունենալ. 2021 թվականի մայիսից սկսած` Սոթք- Խոզնավար հատվածում ադրբեջանական զինված ուժերի ներխուժման փաստը, դրանից բխող հետևանքները, նաև նոյեմբերի 16-ին տեղի ունեցած միջադեպը էլ ավելի են ընդգծում անվտանգային միջավայրում մեր ունեցած խնդիրները», - ասաց Փաշինյանը:
Նրա խոսքով, այս տարին հետպատերազմյան հետևանքների արտահայտման տարի էր:
«2022 թվականին պետք է բոլոր ջանքերը ներդնենք, որպեսզի վերելքի և վերածննդի տարի լինի։ Մենք պետք է մեզնից կախված հնարավորն անենք լուծումների գնալու համար, մեզնից կախված հնարավորը պետք է անենք, որպեսզի հաջորդ սերունդներին, հաջորդ կառավարություններին ոչ թե շարունակաբար բարդացող պրոբլեմներ ժառանգենք, այլ ժառանգենք կայուն, ամրագրված իրավիճակ, ինչը առանցքային նախապայման է երկրի բնականոն զարգացումը ապահովելու համար։ Բայց մյուս կողմից սա հեշտ չէ: Որոշումների իրականացումը միայն մեզնից չէ կախված», - ասաց Փաշինյանը:-0-
Զինվորական կացարանում զոհված 15 զինծառայողների ծնողները հանդիպել են Փրկարար ծառայության տնօրեն-ներքին գործերի նախարարի տեղակալ, գնդապետ Կամո Ցուցուլյանին
