ԵՐԵՎԱՆ, 20 հունվարի./Նովոստի–Արմենիա/. Մեր հասցեին հնչող մեղադրանքները հաճախ իրար մերժող և իրար չեզոքացնող են։ Մի դեպքում մեզ մեղադրում են նրա համար, որ մենք տարածքներ ենք տվել, մյուս դեպքում մեղադրում են, որ տարածքները չենք տվել ինչ-որ իրադարձություններից խուսափելու համար, Ազգային ժողովի ամբիոնից հայտարարել է վարչապետ Նիկոլ Փաշինյանը, հաղորդում է aysor.am։
Загружается новость ... "Лево"
«Այն որոշումները, որոնք կայացվել են, կայացվել են ռազմական նոր էսկալացիան, այդ թվում՝ Սյունիքում կանխելու և Սյունիքի անվտանգությունը ապահովելու համար։ Ես իմ հեռուստաուղերձում էլ ասել եմ, որ այդտեղ կար իրավիճակ, երբ կարող էր լինել ռազմական էսկալացիա, որը անցում կկատարեր դեպի բուն Սյունիքի տարածք», - ասել է վարչապետը։
Նա ասել է, թե աղմուկ է բարձրացվում, որ Սյունիքից տարածքներ են զիջվել, ապա ավելացրեց, թե Սյունիքից ոչ մի տարածք, ոչ մի միլիմետր չի զիջվել։
«Սյունիքի էն տարածքը, որն այսօր գոյություն ունի, արձանագրված է 2010 թ. ՀՀ «Վարչատարածքային բաժանման մասին» օրենքով», - հայտարարել է Փաշինյանը։–0–
