Ադրբեջանը պետք է կողմնորոշվի՝ որ ճանապարհով է գնում. Փաշինյան (ՎԻԴԵՈ)
17:36
20 Հունվարի 2021
ԵՐԵՎԱՆ, 20 հունվարի./Նովոստի–Արմենիա/. ՀՀ վարչապետ Նիկոլ Փաշինյանն անընդունելի է համարում Ադրբեջանում հայտնի դրոշմանիշի հրապարակումը, որտեղ Լեռնային Ղարաբաղը «ախտահանվում» է հայ բնակչությունից:
ԱԺ-ում հարցուպատասխանի ժամանակ նա նշել է, որ Ադրբեջանի ղեկավարությունը վերջերս հաճախ է խոսում հայկական ֆաշիզմի մասին: Նա ընդգծեց, որ ֆաշիզմի ապացուցելի դրսևորումներ տեսնում ենք Ադրբեջանում:
«Նմանատիպ դրոշմանիշ, որը Ադրբեջանում հրապարակվել է, եղել է մեկ էլ Ֆաշիստական Գերմանիայում: Այդ փաստն ինքնին շատ խոսուն է», - ասաց Փաշինյանը։
Վարչապետը չի կարծում, թե միայն կառավարությունն անելիք ունի այդ իրավիճակը կառավարելու համար: Նրա խոսքով՝ խորհրդարանն ու խորհրդարանական դիվանագիտությունը նույնպես անելիք ունեն:
Ըստ Փաշինյանի՝ այդ դրոշմանիշը հնարավորինս պետք է ի ցույց դնել հնարավորինս լայն շրջանակներին` միջազգային կազմակերպություններին և գործընկերներին:
«Ադրբեջանը պետք է կողմնորոշվի՝ որ ճանապարհով է գնում: Մենք նույնպես պետք է կողնորոշվենք, թե որ ճանապարհով ենք գնում», - ասաց վարչապետը:–0–
Փաշինյանն ասել է, որ Խորհրդային Հայաստանի ու Հայաստանի տարածքում երբեք Բաղանիս-Այրում, Ներքին Ոսկեպար անունով գյուղեր չեն եղել։ ՀՀ տարածքում եղել է ու կլինի Ոսկեպար անունով ու Բաղանիս անունով գյուղ