ԵՐԵՎԱՆ, 24 հուլիսի./Նովոստի–Արմենիա/. Նախօրեին երեկոյան տեղեկություն տարածվեց, որ մի տղամարդ փորձում է նետվել «Հաղթանակ» կամրջից։
ՀՀ ԱԻՆ փրկարար ծառայության հաղորդմամբ, փրկարարներին հաջողվել է կանխել քաղաքացու ինքնասպանության փորձը։
Մի շարք ԶԼՄ–ներ հայտնեցին, որ ինքնասպանության քայլին դիմող քաղաքացին մանկատան սան է։
Նրա խնդիրների մասին պարզաբանում է ներկայացրել ՀՀ աշխատանքի և սոցիալական հարցերի նախարար Զարուհի Բաթոյանը։
Նա մասնավորապես իր Facebook–ում նշել է, որ վերջերս տարբեր ԶԼՄ-ներ նույնիսկ ուղիղ եթերով լուսաբանել են ինքնասպանության փորձ անող քաղաքացու արարքը։ Այդ հրապարակումներն իրեն ստիպում են մանրամասներ հրապարակել։
Загружается новость ... "Лево"
«Ինքնասպանության փորձ կատարող քաղաքացին «Գավառի մանկատուն» ՊՈԱԿ-ից 6 տարի, որից հետո 2012թ.-ին դուրս Է եկել մանկատնից (10 տարեկան հասակում)՝ տեղափոխվելով Երևանի հատուկ դաստիարակչական դպրոց: Նա ներառված չէ Հայաստանի Հանրապետության կառավարության 2003 թվականի հոկտեմբերի 30-ի N 1419-Ն որոշմամբ սահմանված ծրագրի շահառու ճանաչված մանկական խնամակալական կազմակերպությունների շրջանավարտների ցուցակում, քանի որ մանկատան շրջանավարտ չի հանդիսանում», – նշել է Բաթոյանը:
Նրա խոսքով, 2019թ.-ից մինչ օրս առնվազն 5 ահազանգ ենքստացել այն մասին, որ կամրջից նետվելու միջոցով ինքնասպանության փորձ է կատարում։
Առաջին ահազանգից հետո Բաթոյանն անձամբ է հանդիպել քաղաքացու հետ, տեղեկացրել է, որ հնարավոր տարբերակ կգտնեն նրան օգնելու համար։ Փոխանցել է իր բջջային հեռախոսահամարը, խնդրել ե նաև, որ սոցիալ-հոգեբանական ծառայություններից չհրաժարվի։
Բաթոյանի հանձնարարականի համաձայն նրան վեց ամսվա բնակության հնարավորություն է ընձեռվել «Վետերան» օթևանում, որի ժամկետը երկարացվել է ևս վեց ամսով՝ մինչև 01.09.2020թ.:
«Խնդրին վերջնական լուծում տալու նպատակով նրա տվյալները ներառվել են ՀՀ կառավարության 21.05.2020թ. «ՀՀ կառավարության թիվ 1009-Ն որոշման մեջ փոփոխություններ և լրացումներ կատարելու մասին» N795-Ն որոշման մեջ, որպես Թբիլիսյան խճուղի 3/14 հասցեի բնակիչ: Որոշման ընդունումից հետո նրան առաջարկվել սահմանված կարգով կնքել կացարնի և սոցիալական ծառայությունների տրամադրման պայմանագիր՝ 10 տարի ժամկետով: Սակայն, նա հրաժարվել է պայմանագրի կնքումից պահանջելով տրամադրել բնակարանի գնման վկայագիր:
Այս պահին նախարարությունը քննարկում է ՀՀ կառավարության համապատասխան որոշման նախագիծը, որով բացառության կարգով բնականար գնման վկայագրեր են տրամադրվում բնակարանի գնման վկայագրի տրամադրումը մերժված մանկատան մի քանի սաների, այդ թվում վերը նշված քաղաքացուն։ Նշեմ, որ տարբեր ԶԼՄ-ներում հրապարակումների հերոս դարձած քաղաքացին մշտական կապի մեջ է ոչ միայն նախարարության, այլ նաև ՀՀ վարչապետի օգնականների հետ։ Տեղեկությունը այն մասին, թե կառավարության անդամները նրան խաբել են և որևէ կերպ չեն աջակցել կացարանի կամ բնակարանի հարցում, չի համապատասխանում իրականությանը», – պարզաբանել է նախարարը։–0–
