ԵՐԵՎԱՆ, 15 դեկտեմբերի./Նովոստի-Արմենիա/. Իրավապաշտպան Ռուբեն Մելիքյանը ներկայացրել է նախօրեին «Քաղաքացիական գիտակցություն» ՀԿ-ի նախագահ Նարեկ Սամսոնյանի
ձերբակալության հետ կապված որոշ դրվագներ:
Մելիքյանը տեղեկացրել է, որ ձերբակալությանը, որը տեղի է ունեցել Սամսոնյանի տան բակում, մասնակցել է մի քանի տասնյակ ոստիկան, ընդ որում Սամսոնյանն ինքը պատրաստվում էր ներկայանալ քննիչին, քանի որ կանչվել էր հարցաքննության:
Մելիքյանի խոսքով, Սամսոնյանն առաջինն է, ում ձերբակալել են ծանր վիրավորանք հասցնելու համար:
Загружается новость ... "Лево"
Քաղաքական աստառ
Մելիքյանը պարզաբանել է, որ իրավիճակն ամբողջացնելու համար պետք է հասկանալ, որ թե ինչ ժամանակներում է այս ամենը տեղի ունենում:
«Այս ամենը տեղի է ունենում, երբ մեր արտաքին քաղաքական դաշտում ստեղծվել է խայտառակ իրավիճակ, երբ իրականացվում է Թուրքիայի վիլայեթ դառնալու գործընթաց, դրսից մարդիկ են գալիս և ասում, որ Թուրքիան և Ադրբեջանը մեզ համար սպառնալիք չեն ներկայացնում: Ես այս ամենում տեսնում եմ լուրջ ռիսկեր, զգում եմ, որ ինչ-որ բան է նախապատրաստվում: Եվ այս պայմաններում ամենախայտառակ ձևով ձերբակալվում է Նարեկ Սամսոնյանը...Պետք է հասկանալ, որ այս ամենը պատահական չէ», -ասել է նա:
Իրավապաշտպանն ավելացրել է, որ տեղի է ունենում գործընթաց, որը հետապնդում է մարդկանց ուշադրությունը շեղելու նպատակ:
Վիրավորանք՝ վիրավորանքին ի պատասխան
Նա նշել է, որ Սամսոնյանի կոշտ արտահայտությունները Երևանի ավագանու «Լույս» խմբակցության ղեկավար Դավիթ Խաժակյանի հասցեին, որն էլ հայց է ներկայացրել վիրավորանքի համար, եղել են պատասխան մի շարք հեգնական հայտարարություններին և հրրապարակումներին, որոնք հասցեագրվել են Սամսոնյանին «Լուսավոր Հայաստան» կուսակցության անդամների, այդ թվում՝ Խաժակյանի կողմից:
«Դրանք պարունակում էին վիրավորական, զրպարտող և իրականությանը չհամապատասխանող տեղեկատվություն Սամսոնյանի մասին: Նա վիրավորվել է և իր վիրավորանքին ի պատասխան՝ օգտագործել է այդ բառը (հայհոյանք, որը նաև 20-րդ դարի հայտնի ֆրանսիացի ֆանտաստի ազգանունն է, խմբգր.)», - պարզաբանել է նա:
Մելիքյանը նշեց, որ ներկա է եղել հանդիպմանը, որին մասնակցել են երկու կողմերը, որի նպատակն է միջադեպը հասցնել խաղաղ հանգուցալուծման:
«Այդ հանդիպման ժամանակ հայտարարեցի, որ այս գործընթացը չունի որևէ իրավական հեռանկարներ», - ընդգծել է նա:
Մելիքյանը նաև հիշեցրել է, որ Խաժակյանը, ժամանակին լինելով պատգամավոր, դեմ է եղել ծանր վիրավորանք հասցնելու համար տուգանքների մասին «Իմ քայլը» իշխող խմբակցության օրինագծին՝ պնդելով, որ դա սահմանափակում է խոսքի ազատությունը և հնարավորություն է տալիս ռեժիմին զսպեցնելու ընդդիմախոսին:
ՀՀ ԱԺ–ն 2021թ.–ի հուլիսի 30–ին երկրորդ և վերջնական ընթերցմամբ ընդունել է «Քաղաքացիական պայմանագիր» խմբակցության պատգամավորների ներկայացրած օրենքի նախագիծը, որը նախատեսում է տուգանք ծանր վիրավորանք հասցնելու համար։–0–
