Հայաստանում կարող են մեղմացնել առանց պետհամարանիշերի մեքենայի վարման համար պատիժը

ԵՐԵՎԱՆ, 21 հունվարի. /Նովոստի-Արմենիա/. Ազգային ժողովը երեքշաբթի առաջին ընթերցմամբ ընդունեց «Վարչական իրավախախտումների» մասին օրենքի հավելյալ փոփոխությունների փաթեթ, ըստ որի առաջարկվում է մեղմացնել առանց պետհամարանիշերի մեքենայի վարման համար պատիժը:

Հունվարի 1-ից ուժի մեջ է մտել տուգանքի նոր ձևաչափ, ըստ որի յուրաքանչյուր վարորդի տարվա համար տրվում է 9 միավոր, ինչից հետո իրավախախտման համար հանվում են տուգանային միավորներ:

«Գործող օրենքի համաձայն` եթե մեկ կամ երկու համարանիշերը բացակայում են, ապա տվյալ մեքենայի վարորդը մեկ տարով զրկվում է այդ մեքենան վարելու իրավունքից: Նվելի վաղ նախատեսվում էր 200 հազ. դրամ տուգանք: Իմ առաջարկած ծրագրով, եթե մեքենայի վրայից միայն մեկ համարանիշն է բացակայում, ապա առաջարկվում է կիրառել ավելի մեղմ վարչական պատասխանատվություն»,- ասաց ծրագրի հեղինակ, «Իմ քայլը» դաշինքի պատգամավոր Գևորգ Պապոյանը:

Ծրագրում տվյալ դեպքի համար նշված է 20 հազ. դրամ տուգանք և 2 բալի հանում:

Պապոյանը նշոլ է, որ իր առաջարկը հիմնավորված է նրանով, որ մեկ համարանիշի բացակայությունը հաճախ կարող է վարորդի անուշադրության կամ վատ ճանապարհների հետ կապված լինել:

Ընդ որում, պատգամավորը նշեց, որ կառավարությունն առաջարկել է կիրառել 29 հազ. դրամ տուգանք և 4 բալի հանում:-0-