ՀՀ-ում կորոավիրուսով վարակվածների թիվն ըստ մարզերի․ ՀՀ ԱՆ

ԵՐԵՎԱՆ, 31 մարտի․ /Նովոստի-Արմենիա/․ ՀՀ առողջապահության նախարարության Facebook-յան էջում ներկայացվել են Հայաստանում կորոնավիրուսային հիվանդության հաստատված դեպքերն ըստ Երևանի և մարզերի:

«Պետք է նշել, որ 532 դեպքից այս պահին ճշգրիտ է 502 քաղաքացու բնակության վայրը»,- ասվում է գրառման մեջ։

Մնացած 30 պացիենտի բնակության վայրը պարզվում է, քանի որ վերջիններիս փաստացի և անձնագրում հաշվառված տվյալների մեջ կա անհամապատասխանություն:

Գրառման մեջ նշվում է նաև, որ նշված վիճակագրությունը չի կապվում համաճարակաբանական գործողությունների հետ և հաստատված յուրաքանչյուր դեպք ուսումնասիրվել է մասնագետների կողմից: Տվյալները լիովին հստակեցնելուց հետո կհրապարակվի նաև քարտեզը։

Երևան` 219, Արագածոտն` 10, Արարատ` 113, Արմավիր` 51, Լոռի` 4, Կոտայք` 88, Շիրակ` 6,Սյունիք` 8, Վայոց ձոր` 1, Տավուշ` 2:


Հայաստանում մարտի 16–ից ապրիլի 14–ը հայտարարվել է արտակարգ դրություն` երկրում կորոնավիրուսի տարածումը կանխելու նպատակով, ինչի կապակցությամբ մարտի 24–ին ժամը 23։59–ից մինչև մարտի 31–ը ժամը 23։59–ը Հայաստանում գործում են քաղաքացիների տեղաշարժման և տնտեսական գործունեության իրականացման նոր սահմանափակումներ։

Հայաստանում մարտի 31–ի ժամը 10։00–ի դրությամբ գրանցվել է կորոնավիրուսով վարակման 532 դեպք։ 31 մարդ բուժվել է։ Արձանագրվել է մահվան 3 դեպք:–0–